لیژنەی باڵای بەرەنگاربوونەوەی كۆرۆنا لە عێراق ڕایگەیاند، لە دوای جەژنی قوربانەوە قەدەغەی هاتووچۆی تەواوەتی هەڵدەگیرێت و فڕۆكەخانەكانیش لە 23 ئەم مانگەوە دەكرێنەوە
لیژنەی باڵای بەرەنگاربوونەوەی كۆرۆنا لە عێرا قلە بەیاننامەیەكدا ڕایگەیاند "بڕیاردرا بەلەبەرچاوگرتنی دۆخەكە و پابەندبوون بەڕێنماییەكانەوە، قەدەغەی هاتووچۆ كەمكراوەتەوە لە كاتژمێر 7:30 خولەكی ئێوارەوە بۆ كاتژمێر 6ی بەیانی ".
لیژنەكە ئاماژەی بەوەشكردووە، لە دوای جەژنی قوربانەوە قەدەغەی هاتووچۆكردن بە تەواوەتی هەڵدەگیرێت و وردە وردە ژیان ئاسایی دەكرێتەوە .
هەر لە بەیانناكەمەدا ئاماژە بەوەشكراوە، بڕیاردراوە بە كردنەوەی فڕۆكەخانەكان لە ڕۆژی 23ی ئەم مانگەوە، هاوكات دەروازە سنورییەكانی سەفوان و شیب لەبەردەم ئاڵوگۆڕی بازرگانیدا دەكرێنەوە .
لە كۆتایی بەیاننامەكەدا لیژنەی بەرەنگاربوونەوەی كۆرۆنا لە عێراق داوای لە دامەزراوە میدیاییەكان كردووە هەڵمەتەكانیان چڕتر بكەنەوە بۆ ئاكۆژگاری و ڕێنماییكردنی هاوڵاتیان بۆ ئەوەی زیاتر پابەندی ڕێنماییە تەندروستی و خۆپارێزییەكان بن و لەگەڵ پەتاكەدا ژیان بگوزەرێنن .
دواتر لەکۆبوونەوەی ئەمڕۆیدا لیژنەی باڵای تەندروستی و سەلامەتی
نیشتیمانی عێراق، سەبارەت بە گۆڕانکاری لە ڕێوشوێنەکانی خۆپارێزی لە کۆرۆنا چەند بڕیارێکی
دەرکرد.
یەکێک لەو بڕیارانە لە ڕۆژی ۲۳ی ئەم مانگەوە
فڕۆکەخانەکانی عێراق و هەرێم دەکرێنەوە و گەشتە
ئاسمانییەکان دەستپێدەکەنەوە.
راشیگەیاند، کردنەوەی فڕۆکەخانەکانی عێراق و هەرێمی
کوردستان، بەپێی مەرج و ڕێنماییەکانی خۆپارێزی تەندروستی دەبێت، لەپێناوی سەلامەتی
هاوڵاتیان و گەشتیاران.
ئاماژەی بەوەشکرد، دەسەڵاتی فڕۆکەوانی مەدەنی عێراق لەسەر
راسپاردەی لیژنەی ناوبراو و لەچوارچێوەی خۆپارێزی لە پەتای ڤایرۆسی کۆرۆنا
covid19 گەشتە ئاسمانییەکانی ناوخۆیی و دەرەکی راگرتووە و تەنها
رێگا بە گەشتی فڕۆکەکانی کارگۆ و رێکخراوە فریاگوزارییەکان و تیمەکانی تەندروستی دەدرێت.