وەزارەتی تەندروستی عێراق لە ڕاگەیەندراوێكدا بڵاویكردەوە، لە 24 كاتژمێری رابردوودا ڕێژەی چاكبوونەوە لە كۆرۆنا ژمارەی پێوانەیی تۆماركرد و 2179 كەس چاكبوونەتەوە .
وەزارەتی تەندروستی و ژینگەی عێراق لە ڕاگەیەندراوێكدا بڵاویكردەوە، هەر لە ماوەی 24 كاتژمێری رابردوودا 2033 كەسی دیكە تووشی كۆرۆنا بوون و 94 كەسیش گیانیان لەدەستداوە .
بە گوێرەی راگەیەندراوەكەی وەزارەتی تەندروستی عێراق لە هەولێر 52 كەس چاكبوونەتەوە و لە سلێمانی 51 كەس و لە دهۆك 15 كەس و لە كەركوك 71 كەس چاكبوونەتەوە .
ئاماژەی بەوەشكردووە، ئەمڕۆ 17211 پشكنین لەسەرجەم تاقیگەكانی سەر بە وەزارەتی تەندروستی ئەنجامدراوە، بەوەش لەسەرەتای تەشەنەكردنی كۆرۆناوە 762 هەزار و 58 پشكنین ئەنجام دراوە .
بە گوێرەی سەرژمێرییەكانی وەزارەتی تەندروستی عێراق، تا ئێستا 88 هەزار و 171 كەس تووشی كۆرۆنا بوون و 56 هەزار و 495 كەس چاكبوونەتەوە و 3 هەزار و 616 كەسیش گیانیان لەدەستداوە .