نرخی نەوتی خاوی برێنت لە بازاڕەكانی جیهان بەجیگیرى مایەوە بەهۆى نەبوونى بۆرسەى جیهانى، بەشێوەیەک نرخى بەرمیلێک نەوتى برێنت بە 43 دۆلار و 12 سەنت فرۆشراوە .
بەگوێرەی بۆرسەی جیهانی بەیانی ئەمڕۆ یەکشەممە 19ی تەمموزی 2020، نرخی بەرمیلێك نەوتی خاوی برێنت لە بازاڕەكانی جیهاندا بە 43 دۆلار و 12 سەنت فرۆشراوە، هاوكات نرخی بەرمیلێك نەوتی خاوی ئەمریكی بە 40 دۆلار و 57 سەنت مامەڵەى پێوەکراوە
هەرچەندە لە سەرەتای ئەمساڵەوە نرخی نەوت گەورەترین داشكانی بەخۆیەوە بینی بەهۆی ئەوەی بازارشەكانی پیشەسازی داخران ئەوەش خواستی لە سەر نەوت كەمكردەوە بەڵام لە ماوەی دوو مانگی رابردوو نرخی نەوت بەردەوام رووی لە بەرزبونەوە بووە و ماوەی چەند رۆژێك لە سەرو 40 دۆلارەوە مامەڵەی پێوە دەكرێت .