پارێزگاری هەولێر بڕیاریدا بە داخستنی هەر بەنزیخانەیەك، ئەگەر هاتوو بەنزینی خراپ بفرۆشێت و خاوەنەكەش روبەروی یاسا دەكرێتەوە .
پارێزگای هەولێر لە ڕاگەیەندراوێكدا ئەمرۆ بڵاویكردەوە، لە كۆبوونەوەی ئەمڕۆی نێوان فرسەت سۆفی پارێزگاری هەولێر و قایماقامی قەزای ناوەندی و بەڕێوەبەری نەوت و كانزاكان و لایەنە پەیوەندارەكان، هەر 10 قایمقامیتەكەی پارێزگای هەولێر راسپێردران بەئەنجامدانی پشكنین بۆسەرجەم بەنزیخانەكانی پارێزگا .
لە كۆبوونەوەكەدا بڕیاری ئەوە درا هەر بەنزیخانەیەک بەنزینی كوالیتی خراپ بفرۆشێت جگە لەوەی خاوەنەكەی ڕوبەڕوی یاسا دەكرێتەوە، بەنزیخانەكەش دادەخرێت و لافیتەشی پێوە هەڵدەواسرێت .
بۆ ئەو ئەو مەبەستەش هەر ئەمڕۆ هەڵمەتەكە دەستی پێكرد و پارێزگاری هەولێر لێژنەکانی ڕاسپارد لەهەڵمەتەکە بەردەوام بن و چاودێری چڕی بەنزینخانەکان بکەن، ھاووڵاتییانیش ئاگاداربکرێنەوە لە ھەر بەنزینخانەیەك زانرا بەنزینی خراپ یان کوالێتی نزم ھەیە بە زووترین كات ئاگاداری لێژنەکانی پشکنینی بەنزینخانەکان بکرێتەوە بۆ ئەوەی دەست بە بەدواداچوون و پشکنین بکەن .
هاوكات هەروەها بەهۆی کێشەی مولیدە ئەهلیەکان لەگەڵ نزمی کوالێتی و خراپی گازوایل، لە کۆبوونەوەكەدا بڕیاریدا، هەڵمەتەکە پشکنینی گۆڕەپان و هەموو ئەو شوێنانەش بگرێتەوە کە تەرخانکراون بۆ فرۆشتنی گازوایل .