دەستەی گشتی كەشناسی و چاودێری بومەلەرزەی عێراق ئاشكرایكرد، كۆتایی ئەم هەفتەیە پلەكانی گەرما نزم دەبنەوە و كۆتایی بەو كەشە گەرمەی ئێستا دێت .
عامر جابری بەڕێوەبەری راگەیاندنی دەستەی كەشناسی عێراق ئەمڕۆ پێنجشەممە ڕایگەیاند، لەسەرانسەری وڵاتدا پلەكانی گەرما دەست بە دابەزین دەكات، سبەینێ هەینی پلەكانی گەرما نزم دەبنەوە .
ئاماژەی بەوەشكرد، شەپۆلی گەرماكە كۆتایی هات و بەم نزیكانە كەشوهەوای عێراق دەگەڕێتەوە بۆ پلەی گەرمای ئاسایی .
ئەو ڕاگەیاندنەی دەستەی كەشناسی عێراق لەکاتێكدایە، ماوەی هەفتەیەكە پلەكانی گەرما لە سەرانسەری عێراق ڕووی لە بەرزبوونەوە كردووە، بەشێوەك لە زۆربەی شارەكانی عێراق پلەی گەرما چووەتە سەرو 50 پلەی سیلیزییەوە .