وەزارەتی تەندروستی و ژینگەی عێراق ڕایگەیاند، لە ماوەی ٢٤ کاتژمێری رابردوودا ٣٣٤٦ کەسی دیکە تووشی کۆرۆنا بوون و ٧٠ کەسیش بەهۆیەوە گیانیان لەدەستداوە
لەڕاگەیەندراوێکدا وەزارەت ی تەندروستی و ژینگەی عێراق ئەمڕۆ یەکەم ڕۆژی جەژنی قوربان بڵاویکردەوە، لە ماوەی ٢٤ کاتژمێری رابردوودا، ١٨٨٨ کەس لە پەتای کۆرۆنا چاکبوونەتەوە و گەڕاونەتەوە ماڵەوە.
بەگوێرەی ڕاگەیەندراوەکە، لە هەولێر ٥٣ کەس لەهەولێر چاکبوونەتەوە و لە سلێمانی ٢٠ کەس و لە دهۆک ٥ کەس و لەکەرکوک ١١٨ کەسی دیکە چاکبوونەتەوە.
وەزارەتی تەندروستی عێراق ئاماژەی بەوەشکردووە، ئەمڕۆ ١٧ هەزار و ٦٣٤ کەس پشکنینی بۆکراوە و بەوەش ژمارەی ئەو کەسانەی لەسەرەتای سەرهەڵدانی پەتاکەوە پشکنینیان بۆ کراوە گەیشتووەتە یەک ملیۆن و ٩٦٩ کەس.
لەوەتەی ڤایرۆسی کۆرۆنا لە عێراق بڵاوبووەتەوە، ١٢٤ هەزار و ٦٠٩ کەس تووشی کۆرۆنا بوون و لەو ژمارەیەش ٨٧ هەزار و ٤٣٤ کەس چاکبوونەتەوە و ٤ هەزار و ٧٤١ کەسیش گیانیان لەدەستداوە.