فەرەنسا بڕێك هاوكاری پزیشكی پێشكەش بەعێراق كرد

  2020-08-01  | 
گەیشتنی هاوکارییە تەندروستییەکانی فەڕەنسا بە کۆگاکانی وەزارەتی تەندروستی عێراق
دۆسیە:  عێراق
 تۆڕی هەواڵی ژیان
وەزارەتی دەرەوەی عێراق ڕایگەیاند، ئەمڕۆ كاروانێك هاوكاری پزیشكی لە حكومەتی فەرەنساوە گەیشتووەتە بەغدا .

وەزارەتی دەرەوە لەبەیاننامەیەكدا بڵاویكردەوە، كاروانێك كەلوپەلی پزیشكی تایبەت بە خۆپارێزی لە پەتای كۆرۆنا گەیشتووەتە عێراق، كە لەلایەن حكومەتی فەڕەنساوە پێشكەشكراوە .

لە بەیاننامەكەدا ئاماژە بەوەشكراوە، ئەو هاوكارییانە لەچوارچێوەی پەیوەندییە دووقوڵەكانی نێوان هەردوو وڵات و، یەكخستنی هەوڵە نێودەوڵەتییەكانە بۆ ڕوبەڕوبوونەوەی كاریگەرییە تەندروستی و ئابورییەكانی كۆرۆنا .

بە گوێرەی بەیاننامەكە كاروانە هاوكارییە پزیشكییەكەی فەڕەنسا پێكهاتووە لە دەمامكی نەشتەرگەریی و دەستكێش و گەرمیپێوو، كڵاو و دەمامكی ئۆكسجین .