وەزارەتی تەندروستی عێراق رایگەیاند لە 24 كاتژمێری رابردوودا 2834تووشبووی نوێی كۆرۆنا تۆماركراوە و 77 كەسیش گیانیان لەدەستداوە.
وەزارەتی تەندروستی و ژینگەی عێراق، ئامارەكانی كۆرۆنای لە 24 كاتژمێری رابردوو بڵاوكردەوە و رایگەیاند: لەو ماوەیەدا 16هەزار و 531 پشكنینی نوێ ئەنجامدراوە بەوەش كۆی ژمارەی پشكنینەكانی عێراق گەیشتە یەك ملیۆن و 76 هەزار و 150 پشكنین.
بەگوێرەی ئامارەكانی وەزارەتەكە 2834تووشبووی نوێی كۆرۆنا تۆمار كراوە بەوەش كۆی ژمارەی تووشبووانی كۆرۆنا گەیشتووەتە 137 هەزار و 557 توشبوو.
وەزارەتەكە راشیگەیاندووە لەو ماوەیەدا 2339 تووشبووی كۆرۆنا چاكبوونەتەوە، ئەوەش كۆی ژمارەی چاكبوونەوەی لە ڤایرۆسەكە لە وڵاتەكەدا گەیاندووەتە 98هەزار و 442 كە رێژەی 71.6%ی كۆی ژمارەی توشبووانە كە چاكبوونەتەوە.
لە 24 كاتژمێری رابردوودا 77 كەسیش گیانیان لەدەستداوە كۆی ژمارەی گیان لەدەستدان لە سەرتاسەری عێراقدا گەیشتووەتە پێنج هەزار و 94 كەس و 519 كەسیش لەژێر چاودێری وردان.