لەماوەی ٢٤ كاتژمێری ڕابردوودا بەهۆی پابەندنەبوونیان بە ڕێنمایەكانی خۆپارێزی لە ڤایرۆسی كۆرۆناوە لە سنوری پارێزگای دهۆك 11 شوێن داخراون .
یوسف محەمەد حەسەن، سەرۆكی لیژنە هاوبەشەكانی قایمقامیەتی قەزای ناوەندی دهۆك بە (تۆڕی هەواڵی ژیان)ی ڕاگەیاند، 10 لەو شوێنانە كە داخراون پێكهاتوون لە نۆرینگە و تاقیگە و خواردنگە و شوێنی فرۆشتنی مۆبایل كە بۆ ماوەی چەند ڕۆژێك بە داخستنی شوێنی كارەكانیان سزادراون .
سەرۆكی لیژنە هاوبەشەكانی قایمقامیەتی دهۆك وتیشی، هەر لەو هەڵمەتەدا نانەواخانەیەك بەهۆی پابەند نەبوونی بە ڕێنمایەكانەوە بە بڕێك پارە سزادراوە بەڵام شوێنەكەی دانەخراوە.
ئەوە لە كاتێكدایە لیژنە هاوبەشەكانی قایمقامیەتی سلێمانی و هەولێر لە ماوەی رابردوودا بەهۆی رێكارەكانی خۆپاریچزیەوە بەشێوەیەكی بەردەوام ناوەندەكانی كاری هاوڵاتیان بەسەر دەكەنەوە.