ژووری ئۆپراسیۆنەكانی هەولێر داخستنی 156 شوێنی بەهۆی پابەند نەبوون بە رێكارەكانی خۆپارێزی لە كۆرۆنا راگەیاند و داوایەكیش لە هاوڵاتیانی شارەكە دەكات.
ژووری ئۆپراسیۆنی پارێزگای هەولێر، راگەیەندراوێكی بڵاوكردەوە و رایگەیاند، لەماوەی دوو ڕۆژی ڕابردوو، بەهۆی پابەند نەبوون بە رێنماییە تەندروستییەكان و ڕێكارەكانی خۆپارێزی لە كۆرۆنا، لەسنوری هەر(10) قایمقامیەتەكەی هەولێر (156) شوێن داخران.
ژووری ئۆپراسیۆنی پارێزگای هەولێر، داوا لە هاوڵاتیانی سنوری پارێزگاكە دەكات پابەندی ڕینماییە تەندروستییەكانبن و لەپێناو پاراستنی ئاسایشی تەندروستیی (دەمامك) ببەستن، بۆئەوەی ڕوو بەڕووی سزادان و داخستن نەبنەوە.
ئەوەش هاوكات بوو لەگەڵ ئەوەی لەماوەی ٢٤ كاتژمێری ڕابردوودا بەهەمان هۆكار لە سنوری پارێزگای دهۆك 11 شوێن داخران.