ئاسایشی هەریر ئەندامێكی دیكەی تەڤگەری ئازادیی دەستگیركرد، هاوسەرۆكی ئەو حزبەش رایگەیاند، پارتی هەڵمەتێكی بۆ دەستگیركردنی ئەندامەكانمان دەستپێكردووە.
محەمەد عەبدوڵا، هاوسەرۆكی تەڤگەری ئازادیی كۆمەڵگەی كوردستان ڕاگەیاند: لە چوار چێوەی ئەو هەڵمەتی دەستگیركردنەی پارتی دەستی پێكردووە لە دژی ئەندامانمان ئەمشەو ئاسایشی هەریر، دكتۆر ناجی حاجی، ئەندامی دەستەی بەڕێوبەریی تەڤگەری ئازادیی-یان دەستگیركردووە.
هاوسەرۆكی تەڤگەر وتیشی، ئەوە چوارەمین ئەندامیانە كە لەلایەن ئاسایشی پارتیەوە لە سنوری هەولێردا دەستگیردەكرێت كە سیانیان لەماوەی چوار رۆژی رابردوودا بووە و یەكێكیشیان پێشتر دەستگیر كراوە.
ئەو ئەندامانەی تەڤگەر كە تا ئێستا دەستگیركراون پێكهاتوون لە هەریەكە لە (تەحسین یاسین جەعفەر، سەمیرە حەمەد ئەمین، مام سامی، ناجی حاجی) .