وەزارەتی تەندروستی عێراق بڵاویکردەوە لە ماوەی ٢٤ کاتژمێری رابردوودا، ٣٤٨٤ کەسی دیکە تووشی ڤایرۆسی کۆرۆنا بوون و ٧٢ کەسیش بەهۆی پەتاکەوە گیانیان لەدەستداوە.
لەڕاگەیەندراوێکدا وەزارەتی تەندروستی و ژینگەی عێراق بلاویکردەوە، لە دوێنێوە تا ئەمڕۆ ٢٠١٥ کەسی دیکە لە نەخۆشی کۆرۆنا چاکبوونەتەوە.
وەک لە ڕاگەیەندراوەکەدا هاتووە، لە سلێمانی ٤٢ کەس چاکبوونەتەوە و لە هەولێر ١٠١ کەس و لە دهۆک ٢٣ کەس و لە کەرکوکیش ٤٧ کەسی دیکە لە کۆرۆنا چاکبوونەتەوە.
وەزارەتی تەندروستی و ژینگەی عێراق ئاماژەی بەوەشکردووە، ئەمڕۆ ١٩ هەزار و ٦٦٣ کەسی دیکە پشکنینی کۆرۆنایان بۆکراوە، بەو ژمارەیەش تا ئێستا یەک ملیۆن و ١٦٥ هەزار و ٤٩ کەس پشکینی کۆرۆنایان بۆ ئەنجام دراوە.
لەسەرەتای سەرهەڵدانی پەتای کۆرۆناوە تا ئێستا ١٥٣ هەزار و ٥٩٩ کەس تووشبوون و لەو ژمارەیەش ١٠٩ هەزار و ٧٩٠ کەس چاکبوونەتەوە و ٥ هەزار و ٤٦٤ کەسیش گیانیان لەدەستداوە.