دیوانی پادشایەتی ئوردن ڕایگەیاند، ئەمڕۆ سێشەممە کۆبوونەوەیەکی دوولایەنە دەبێت لەنێوان شاعەبدوڵای دووەم پادشای ئوردون و مستەفا کازمی سەرۆک وەزیرانی عێراق.
لەبەیاننامەیەکدا دیوانی پادشایەتی ئوردن بڵاویکردەوە، شا عەبدوڵای دووەم پادشای ئوردن و شازادە حسین جێنشینی پادشای ئوردن، لەفڕۆکەخانەی نێودەوڵەتی شاژنە عەلیاء پێشوازیان کرد لە مستەفا کازمی سەرۆک وەزیرانی عێراق، بە مەبەستی بەشدایکردن لە کۆنگرەی لوتکەی سێ لایەنەی میسر و ئوردن و عێراق.
لە بەیاننامەکەدا ئاماژە بەوەشکراوە، بەرلە کۆبوونەوەی سێ قۆڵی شاعەبدوڵا و کازمی کۆبوونەوەیەکی هاوبەش ئەنجام دەدەن.
ئەمڕۆ لە وڵاتی ئوردن کۆبونەوەی لوتکەی نێوان عێراق و میسر و ئوردن بەڕێودەچێت گفتوگۆ لەسەر چەند تەوەرێکی ستراتیژی نێوانیان دەکەن .
بڕیارە هەریەکە لە شا عەبدوڵا پاشای ئوردن و مستەفا کازمی سەرۆک وەزیرانی عێراق و عەبدولفەتاح سیسی سەرۆک کۆماری میسر بەشداری بکەن .
لە کۆبونەوەکەدا تاوتوێ هاوکاری ئابوری نێوان هەرسێ وڵات و وەبەرهێنان و بازرگانی هاوبەش بکرێت.