وەزارەتی تەندروستی عێراق ڕایگەیاند، لە ٢٤ کاتژمێری ڕابردوودا ٣٧٥٧ کەسی دیکە تووشی کۆرۆنا بوون و ٨٣ کەسیش بەهۆی ڤایرۆسەکەوە گیانیان لەدەستداوە.
لەڕاگەیەندراوێکدا وەزارەتی تەندروستی و ژینگەی عێراق بڵاویکردەوە، لەدوێنێ ئەم کاتەوە تا ئەمڕۆ ٣٧٢٢ کەسی دیکە لە پەتاکە چاکبوونەتەوە.
ئاماژەی بەوەشکردووە، لەئێستادا ڕێژەی چاکبوونەوە لە کۆرۆنا لەعێراقدا ٧٥.٢%.
تەندروستی عێراق ئاماژەی بەوەشکردووە، لە ٢٤ کاتژمێری ڕابردوودا ١٨ هەزارو ٥٧٨ کەس پشکنیانی بۆ کراوە و بەوەش لەسەرەتای سەرهەڵدانی ڤایرۆسەکەوە تا ئێستا یەک ملیۆن و ٦٠٥ هەزار و ٩٠٤ پشکنییان بۆ کراوە.
بەگوێرەی داتاکانی وەزارەتی تەندروستی عێراق لەوەتەی ڤایرۆسی کۆرۆنا لەعێراقدا بڵاوبووەتەوە، ٢٣٤ هەزار و ٩٣٤ کەس تووشی کۆرۆنا بوون و لەو ژمارەیەش ١٧٦هەزار و ٦٠٦ کەس چاکبوونەتەوە و ٧٠٤٢ کەسیش بەهۆیەوە گیانیان لەدەستداوە.