وەزارەتی تەندروستی و ژینگەی عێراق بڵاویکردەوە، ژمارەی ئەو کەسانەی تا ئێستا بە کۆرۆنا گیانیان لەدەستداوە، ٩ هەزار کەسی تێپەڕاند.
وەزارەتی تەندروستی و ژینگەی عێراق لە ڕاگەیەندراوێکدا بڵاویکردەوە، لە ٢٤ کاتژمێری ڕابردوودا ٤١١٦ کەسی دیکە تووشی کۆرۆنا بوون و ٦٢ کەسیش بەهۆیەوە گیانیان لەدەستداوە.
لەڕاگەیەندراوەکەدا ئاماژە بەوەشکراوە، لە دوێنێوە تا ئەمڕۆ ٤١١١ کەس لە پەتاکە چاکبوونەتەوە و گەڕاونەتەوە ماڵەوە.
بەگوێرەی سەرژمێرییەکانی وەزارەتی تەندروستی و ژینگەی عێراق، لەوەتەی کۆرۆنا لە عێراقدا تەشەنەی کردووە تا ئێستا، ٣٥٣ هەزار و ٥٦٦ کەس تووشی ڤایرۆسی کۆرۆنا بوون، لەو ژمارەیەش تا ئێستا ٢٨٤ هەزار و ٧٨٤ کەسیش چاکبوونەتەوە.
بەگوێرەی داتاکانی وەزارەتی تەندروستی و ژینگەی عێراق، ڕێژەی چاکبوونەوە بەرزبووەتەوە و گەیشتووەتە لە ٨٠.٥%.