دوای ناڕەزایی و خۆپیشاندانی ئەرمەنی و كورد لە كەنەدا وەزیری دەرەوەی وڵاتەكە رایگەیاند هەناردە و بازرگانی کاڵای سەربازیان لەگەڵ توركیا هەڵپەساردووە.
دوای ئەوەی لە ماوەی رابردوو لۆبی ئەرمەنیەكان لەگەڵ ژمارەیەك لە كوردانی نیشتەجێی كەنەدا دژی پەیوەندی كەنەدا لەگەڵ توركیا چەند خۆپیشاندانێكیان ئەنجامدا و داوایانكرد ئەو وڵاتە پەیوەندیەكانی لەگەڵ توركیا رابگرێت بەهۆی ئەوەی ئەو چەك و تەقەمەنیانەی كەنەدا پێی فرۆشتووە لە دژی كورد و وڵاتی ئەرمینیا بەكاری دەهێنێتەوە.
لەو بارەیەوە فرانسۆی فلپ، وەزیری كاروباری دەرەوەی كەنەدا لە تویتێكدا لە تۆڕی كۆمەڵایەتی تویتەر ڕایگەیاند "هەموو جۆڕە بازرگانی و هەناردەیەكی سەربازیمان لەگەڵ توركیا هەڵپەساردووە"خوازیاری كۆتاییهێنانین بە توندوتیژی دەشمانەوێت گیانی خەڵكانی مەدەنی پارێزراو بێت.