فڕۆکە جەنگیەکانی تورکیا لە ئێوارەی دوێنیەوە بە بەردەوامی بۆردومانی چەند گوندێکی سنوری ناحیەی باتیفای سەر بە قەزای زاخۆ دەکەن و زیانی زۆریان بە گوندنشینان گەیاندوە.
قەهرەمان عادل وەک یەکێک لە شایەتحاڵی ڕوداوەکان بە(تۆڕی هەواڵی ژیان)ی ڕاگەیاند لە ئێوارەی دوێنیەوە فڕۆکەکانی تورکیا بە چری بۆردومانی گوندەکانی(رویسێ و شیدینێ و کەشانێ) دەکات.
وتیشی بۆردوومانەکان هەتا کاتژمێر یانزەی بەیانی ئەمڕۆ بەردەوام بووە و بەهۆی بۆردومانەکانەوە سێ خانوی گوندنشینان لە گوندی شیدنێ سوتان و زیانیان زۆریان بەرکەوت.
بەپێی زانیارییەکان ئێواری دوێنی تیمێکی سوپای تورکیا چونەتە ناو گوندی(رویسێ) و سێ هاوڵاتی گوندەکەیان دەستگیرکردوە دوای چەند کاتژمێر ئازادیان کردوون.
بیانوی بۆردومانی فڕۆکەکانی تورکیا بونی گەریلاکانی پەکەکەیە لەو گوندانەی سەر سنوری هەرێم و تورکیا و رۆژانە بۆردومان بەردەوامە.