کازمی: هیچ گەڕانەوەیەک بۆ پێکدادانی تائیفیی نییە

  2020-10-17  | 
مستەفا کازمی سەرۆک وەزیرانی عێراق
ئەرشیڤ
بەغدا
 تۆڕی هەواڵی ژیان
سەرۆک وەزیرانی عێراق ڕایگەیاند، هیچ گەڕانەوەیەک بۆ شەڕی تائیفیی بوونی نییە و ئەو قۆناغەمان تێپەڕاندووە.

مستەفا کازمی سەرۆک وەزیرانی عێراق لە تویتێکدا بڵاویکردەوە، هیچ گەڕانەوەیەک بۆ شەڕی تائیفیی یاخود بەدوژمنکردنی براکان بۆ ئامرازی سیاسی بوونی نییە و ئەو قۆناغەمان تێپەڕاندووە.

ئاماژی بەوەشکردووە، تاوانەکەی بەلەد و دەستدرێژیکردنە سەر بارەگای پارتی دیموکراتی کوردستان ڕەتکراوەیە.

جەختی لەوەشکردووەتەوە کە دژی دەستدرێژییەکانی سەر عێراقییەکان دەوەستنەوە.

سەرۆک وەزیرانی عێراق ڕاشیگەیاندووە، لە پەیوەندی بە ڕووداوەکانی ئەمڕۆ هەندێک کەسیان دەستگیرکردووە و بەدوای چەند کەسێکی دیکەشەوەن بۆ ئەوەی دەستگیریان بکەن.