بوومەلەرزەیەک لە گەرمیان ڕوویدا

  2020-10-18  | 
بوومەلەرزەیەک لە گەرمیان ڕوویدا
ئەرشیڤ
گەرمیان
 تۆڕی هەواڵی ژیان
کەمێك پێش ئێستا بوومەلەرزەیەک لە سنوری ئیدارەی گەرمیان روویدا و بەپێی زانیارییەکان هیچ زیانێکی لێنەکەوتووەتەوە.

بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان ڕایگەیاند، کاتژمێر 8:23 خولەکی ئه‌مشه‌و بوومه‌له‌رزه‌يه‌ك به‌ گوڕی 4 پله‌ به‌ پێوه‌ری ڕێخته‌ر و‌ به‌ قوڵايى 9 كم و‌ له‌ دوورى 26 كم له‌ كه‌لار و 32 كم له‌ كفرى ڕوويداوە.

ئاماژەی بەوەشکردووە، دوابه‌دواى بوومه‌له‌رزه‌کە 3 بوومه‌لەرزه‌ی ديكه‌ ڕوويانداوە له‌ هه‌مان شوێن به‌ گوڕى 2.9 و 2.5 و 2.7 پله‌ به‌ پێوه‌رى ڕێخته‌ر له‌ كاته‌كانى 08:30 و 08:35 و 08:43 به‌ كاتى هه‌ولێر.

پەیامنێری تۆڕی هەواڵی ژیان لە کەلار ڕایگەیاند، بەشێوەیەکی گشتی دانیشتووانی گەرمیان هەستیان بە بوومەلەرزەکە کردووە و چەقی بوومەلەرزەکە، گوندی گۆبان بووە.

ئەوەشی خستەڕوو، بەشێک لە دانیشتووانی کەلار و دەورووبەری لە ماڵەکانیان هاتوونەتەدەر، وتیشی، بەپێی زانیارییە سەرەتاییەکان بوومەلەرزەکە هیچ زیانێکی لێنەکەوتووەتەوە.