ژمارەیەك پەرلەمانتار داوای دیاریكردنی چارەنوسی شێروان شێروانی دەكەن

  2020-10-20  | 
 تۆڕی هەواڵی ژیان
لە سەر دۆسیەی شێروان شێروانی 10 پەرلەمانتاری كوردستان یاداشتێك ئاراستەی سەرۆكایەتی پەرلەمانی كوردستان دەكەن و تیایدا داوای دیاریكردنی چارەنوسی ئەو رۆژنامەنوسە دەكەن.

ئەو پەرلەمانتارانە رایانگەیاندووە بەهۆی ئەوەی سەرنوسەری گۆڤارێكە گومان دەكەن تۆمەتی دیكەی بۆدروست بكرێت و داواش دەكەن رێكخەری راسپاردە نێ,دەوڵەتیەكان روونكردنەوەیان بداتێ لەسەر ئەو لێدوانەی بڵاویكردووەتەوە. 

ئەو پەرلەمانتارانە كە لە فراكسیۆنە ئۆپۆزسیۆنەكان و بەشێك لە فراكسیۆنی گۆڕانن داواشیان كردووە بەزوترین كات دەرفەتی سەردانی ئەو رۆژنامەنوسە بۆ پەرلەمانتاران و كەسوكارەكەی برەخسێنن بۆ ئەوەی ئاگاداری رەوشی ژیان و لێكۆڵینەوەكان بن. 

ئەو پەرلەمانتارانەی واژۆیان كردووە: 
شیرین ئەمین
سیروان بابان 
عەلی حەمە ساڵح
ئاشنا عەبدوڵا
دابان محەمەد
شایان كاكە ساڵح 
شێركۆ جەودەت
عەبدولالستار مەجید
دیاری ئەنوەر
عومەر گوڵپی