لیژنەی باڵای روبەڕوبوونەوەی کۆرۆنا لە هەرێمی کوردستان چەند بڕیارێکی نوێی دەرکرد و رایگەیاند، نابێت شوێنە گشتییەکان رێگە بە چوونەژوورەوەی هاوڵاتیان بەبێ بەستنی ماسک بدەن، بەپێچەوانەوە شوێنەکە دادەخرێت بۆ ماوەی ١٠ ڕۆژ و خاوەنەکەی بە بڕی یەک ملیۆن دینار سزا دەدرێت.
لێژنەی باڵای
روبەڕوبوونەوەی کۆرۆنا لە هەریم لە بەیاننامەیەکدا بڵاویکردەوە، دوای ئەنجامدانی
کۆبوونەوەیەک و لەپێناو پاراستنی ئاسایشی تەندروستی هەرێم چەند بڕیارێکی نوێیان
دەرکردووە.
لە
بەیاننامەکەدا هاتووە، هاتووچۆی هاوڵاتیان و کەسانی بیانی لە نێوان هەرێمی
کوردستان و وڵاتانی تورکیا و ئێران ئاسایی دەبێتەوە، بە مەرجێک سەنتەری پشکنین
هەبێت بە مەبەستی ئەنجامدانی پشکنینی کۆرۆنا.
هەر بەپێی
بڕیارەکەی لێژنەی باڵای روبەڕوبوونەوەی کۆرۆنا، هەموو گردبوونەوە و کۆنفڕانس و
کۆبوونەوەیەک قەدەغەیە.
هەروەک
قەدەغەکردنی بەڕێوەچوونی رێوڕەسمەکانی وەک شایی و چوونە سەر قەبران و پرسە
بەردەوام دەبێت و بنکەی پۆلیس و موختاری گەڕەک بەرپرسیار دەبن، هەر کەسیكیش پابەند
نەبێت، بە بڕی دوو ملیۆن دینار پێبژاردن سزا دەدرێت.
دەقی
بەیاننامەکەی لیژنەی باڵای روبەڕوبوونەوەی کۆرۆنا لە هەرێمی کوردستان: