دوای كردنەوەی رێگای نێوان هەولێر و دهۆك لەلایەن سەرۆكی حكومەتەوە نیوەڕۆی ئەمڕۆ یەكەم رووداوی هاتووچۆ لەو رێگایە روویدا و كەسێك گیانی لەدەستدا.
ئازاد تەها، وتەبێژی پۆلیسی هاتووچۆی دهۆك، بە (تۆڕی هەواڵی ژیان)ی راگەیاند: ئەمڕۆ یەكشەممە كاتژمێر 12.50ی نیوەڕۆی ئەمڕۆ لەسەر ڕێگای سەرەكی دهۆك و هەولێر یەكەم ڕووداوی هاتووچۆ دوای كردنەوەی ڕێگاكە ڕوویدا .
وتەبێژی هاتووچۆی دهۆك وتیشی: ڕووداوەكە لەجۆر وەرگەڕانی تانكەر بووە و تێیدا شوفێرەكەی دوای گواستنەوەی بۆ نەخۆشخانە گیانی لەدەستداوە.