وەزیری تەندروستی هەرێم رایگەیاند تا ئێستا 50 پزیشك و كارمەندی تەندروستی بە كۆرۆنا گیانیان لەدەستداوە بە بڕیاری حكومەتی هەرێمی كوردستانیش هەركەسێك لەوانە بڕی پێنج ملیۆن دینار دراوە بە خێزانەكانیان.
سامان بەرزنجی، وەزیری تەندروستی حكومەتی هەرێمی كوردستان رایگەیاند: تا ئێستا 50 پزیشك و كارمەندی تەندروستی بەهۆی كۆرۆناوە گیانیان لەدەستداوە.
ناوبراو لە كۆنگرەیەكی رۆژنامەوانیدا وتیشی: بۆ ئەو كەسانەی لەسەر كەرتی تەندروستی گیانیان لەدەستداوە پێنج ملیۆن دینار دەدرێت بە خێزانەكانیان و لە كاركردنیشداین بۆ ئەوەی كە كۆمەڵێك ئیمتیاز لە رووی خزمەتی فەرمانبەری ئامادە بكەین و بیبەینە ئەنجومەنی وەزیران.
وەزیری تەندروستی حكومەتی هەرێم راشیگەیاند، ئەمڕۆ 1283 تووشبووی نوێ تۆمار كراوە و لەو ماوەیەدا 23 كەسیش گیانیان لەدەستداوە، لە زیاتر لە 30 شوێنی هەرێمی كوردستانیشدا پشكنینی كۆرۆنا ئەنجام دەدرێت.