وەزیری پێشمەرگەی حکومەتی هەرێم هەڵوێستی خۆی لەسەر شەڕی پارتی و پەکەکە راگەیاند و دەڵێت هیوادارن کۆتایی بەو گرژیانە بێت.
شۆڕش ئیسماعیل وەزیری پێشمەرگە لە کۆنفرانسێکی رۆژنامەوانیدا ڕایگەیاند دەبێت پەند لە رابردوو وەربگرین و گرژی دەستپێنەکاتەوە.
وەزیری پێـشمەرگە ڕاشیگەیاند چاکسازی لە وەزارەتی پێشمەرگە و یەکخستنەوەی یەکەکانی حەفتا و هەشتا بەردەوامە و بڕیاردراوە هەردوولا لە یەکەی ژمێریاری وەزارەتی پێشمەرگە موچە وەربگرن.
سەبارەت بە گەڕانەوەی پێـشمەرگەش بۆ ناوچە جێناکۆکەکان شۆڕش ئیسماعیل ڕایگەیاند لە هەوڵی بەردەوامدان و بەپێی مادەی 140 دەستور پێویستە هێزی پێشمەرگەش رۆڵی هەبێت لە پاراستنی ناوچە جێناکۆکەکان.