سۆرانی  |  بادینی  |  English      

بەلگێ تویێ مابوو ئەو ژی وە ئێخست!

جاسم محەمەد شرنەخی

نڤیسەر و ڕۆشنبیر
  28/06/2021  |    206 جار خوێندراوەتەوە
دەمێ ھەمی  ڕاستیێن مرۆڤی  - چ کووم وەکو رژێم و حکومەت یانژی وەکو تاک - خوەیا دبن و لاش ڤاژی دبن تەنھا شەرمزاریەک تنێ بمینت، بەلگەکێ تەنگ ل سەربت ژبۆ ستارەکرنێ دبێژنە وێ (ڤەشارتنا ب بەلگێ تویێ)، بنیاتا ڤێ دەستەواژێ ژ چیرۆکا دەیبابێن مە ئادەم وحەوایێ (سلاڤ ل وان بن) ھاتیە دەمێ گوھداری ل فەرمانا خۆدێ نە کرین و ژ دارا قەدەغکری خوارین، ھەر ئێکسەر جلێن وان ژ بەژنان کەفتن وژێ ھاتنە ستاندن، و چ ل بەر دەستێن ھەر دویا نەما، لەوا بەزین جھێن شەرمێن خوە ب بەلگێن دارا تویێ ڤەشارتن، واتە ئەگەر ئەو بەلگەژی کەفت دێ جەستە ڕویس و چیپلاق وەکی مرۆڤ ھاتیە دونیایێ بەرچاڤ بت.
درێژ ناکین دا بھێینە بەحسێ خوە بکین، بەحس ل فھێتی و عەیب و عاران بکین، ل  دۆر شکەستنا د بیاڤێن جودا جودایێن ژیارێدا ب پەیڤین: پاشڤەمان، ئیدارەکرنا سەقەت، گەندەڵی و تاڵان، مۆچەخوارن و بڕین و ھەژارکرن، دەرمانێن ئێکسپایەر، حوکمێ بنەمالان و ھێشتا و ھێشتا...ئەو ھەمی نەبەس بوون، بەلگەکێ بچویکێ  بچویکێ تویێ مابوو، یێ دگۆتنێ پەڕاوێزەکا ئازادیا دەربرینا ھزرکی و سیاسی و ڕۆژنامەڤانی، ژ حوکمڕانێن مە ھەبوون جھێ شەرمێ ل ڤی لایێ لاشێ خوە و ل لایێ دیتر ھەوڵ ددان ب بەلگێن تویێ ڤەشێرن، و مستەکا تۆزێ ژی پاڤێژنە چاڤێن خویانیا و دیسان بیانیا ژی، دا بەرێ وان ژ کارەساتێن شەرمزاریێن شەکستنا ڤەگوھێزن، لێ وەسا دیارە زێدەڕەوی و سەرداچوونا کوردی چ سنۆر و توخیب نینن.
لەوا ئەو خوەدەرئێخستن و (ئێیدداعایا) بێھنفرەھییا لسەر ئازدایا دەربرینێ ئەوژی بوویە ھلم و فڕی، خۆ لبەرگرتنا وێ چەندێ ژی نەما، و دەستێن وان ب ڤەشارتنا ب بەلگێ تویێڤەژی وەستیان، لەوا پەنا برنە سیاسەتا تۆمەتێن بەرھەڤ وکی ئێەوا ل چەرخێ بووری ل سۆڤێتێ و ھەتا بگھەیە رژێما دکتاتۆریا بابێ عودەی دھاتە ئێەنجامدان؛ دەمێ ھەر کەسێ دەڤێ خوە ڤەکربا - نەک ل دەڤ نۆژدارێ ددانا بەلکێ ژبۆ گۆتنا ڕایەکا جودا - ئێێکسەر داھێتە ڕاپێچکرن و ل قالبێن خیانەتکاری و سیخوری و تێکدان و تیرۆرێ ھێتە دان و داھێڤێژنە پشت ھەتاڤێ، ڤێجا ھەتا دەمەکێ گێولێ "سەرۆکی" لێ دابا لێبوورینەکا گشتی دەرئێخستبا و بەردانا کەسێن ب سیخوری و نۆکەری و تێکدانێ ھاتینە تۆمەتبارکرن کربیا کەرەم و منەت ژ دەڤ خوە وەکو "خوداوەند"، زۆر جاران ژی ئێەو گرتیێن ساڵۆخەتێن وان بوورین دا دزیندانا تاریدا - ب بڕیارێن "دادگەھا شۆرەشێ" - مرن و نە دھاتنە ئازادکرن.
ئەوا ئەڤرۆ ل کوردستانێ دھێتە کرن ژھندەک ڕەخانڤە ژ یا لسەردەستێن ستالین و سەددامی دھاتە کرن زۆر خرابترە ژبەرکو کێمترین تشت دادگەھـ و قەزا پێ نە دھاتە شەرپێزەنکرن بەلکی ئەڤە ئەرکێ "دادگەھا شۆرەشێ" یا ناڤ و دەنگێ وێ خرابی چووی بوو بەرۆڤاژی یا ئەڤرۆ ئەم ل کوردستانێ دبینن، ژ لایەکێ دیترڤە ئەو جۆرە ستەمە ل وی سەر دەمی مودیلەکا ب ڕەواج بوو ئەگەرێ پرۆپاکندەیا زەرا سۆشیالزمی، جیھانا وی دەمی زۆر ژ یا ئەڤرۆ جودا بوو، عەولەما  ڕاگەھاندنێ نەبوو، ھەر وەڵاتەک دونیایەک ڤەدەربوو نە وەکی نھا تۆپا ئێەردی بوویە گوندەکێ بچویک بوویە تەپەکا شویشەی ھەمی ئێاکنجیێن ھەر چار کنارێن ئەردی شەرمزاریێن ھەڤدوو دبینن.
بڕاستی پشتی پەسەندکرنا حوکمی لسەر ھندەک چالاکڤانێن کورد ب تۆھمەتێن نەبەر ئەقل ئەو پچە شەرما مەیا مای ژی ھەتکی و ل رۆژا نیڤرۆ تەیسی و ل شەڤ ژی مایە ل بەر ساھی ستێرا و ڕوناھیا ھەیڤێ، بڕاستی ئەگەر چارەیەک نەبت چارەنڤێسەکی ئێکجار ڕەش و ئێومێدکوژ ل بەراھیا گەلێ مەیە..سەد جاران مخابن.
زێدەتر