سۆرانی  |  بادینی  |  English      

هشیاربە کاک علی !

جێگر مامسال

چالاکڤان و نڤیسەر
  27/04/2021  |    1320 جار خوێندراوەتەوە

ئازادی مافەکێ ئیلاهییە بۆ هەمی مرۆڤان بێ جوداهی  لسەر گۆیا  ئەردی ، بەلێ ل دەمێ ممارەسەکرنا وێ ئازادیێ دڤێت تو نەچییە سنورێ ئارازدیا کەسێ بەرامبەر و ئازادییا وی بنپێبکەی.

ل دەمێ ئەم دبێژین ئازادی ، تنێ چەند تشتەکێن دیاریکری ڤەناگریت کو ب دڵێ منن و ل دویڤ حەزێت منن ، ئەز بخۆ و ل دیڤ حەزا خۆ سنوی ژبۆی ئازادیا کەسان بکێشم و بزاڤێ بکەم ل وی سنورێ من ژبۆی ئازادیێن وان کێشاین زێدەتر دەرنەکەڤن.

ئەم هەمی دزانین ڕێژەیا هەری زۆر یا باشورێ کوردستانێ موسلمانن و گرێدایی دینێ ئیسلامێنە، و ئەڤەژی وەدکەت کو وان هندەک تایبەتمەندیێن خۆیێن خاص یێن هەین و دڤێت ل دەمێ مە دڤێت ممارەسا هندەک ل ئازادیێن خۆ بکەین و نەچینە ناڤا سنورێ تایبەتمەندیێن وان و ببینە ئەگەرێ بریندارکرنا هەستێ وان.

مللەتێ مە سەرەڕای وان قەیران و کارەساتێن بسەرێ واندا  هاتی ، ب هەمی نەتەوە و ئایین بێی جیاوازێ ملێن خۆیێ دایەبەر و ب سەربلندی یێ ژێ دەرکەفتی ، و چ جاران ئەو جیاوازیا ئایینی نەبوویە ئەگەر ژبۆ دروستکرنا دوبەرەکیێ دناڤبەرا واندا.

هەروەسا وەک یاخویایە کو ڕەمەزان مەهەکە لدەڤ هەر موسلمانەکی تایبەتیەکا خۆیا گرنگ یاهەی ، لەوما پێدڤی ناکەت کو هون ژبۆی ڤەشارتنا هندەک قەیرانێن خۆیێن دەستکرد هەستن ب بریندارکرنا هەست و شعورێ وان ، ڕۆژەکێ ب کرنا هندەک سەمایان و ڕۆژەکێ ب دڕاندنا قورئانێن پیرۆز.

ئەف چەندە ناچیتە خانا ئازادیان بەلکی بنپێکرنا ئازادیا کەسێ بەرامبەرە.

کاک علی تە ئاماژە ب وێ چەندێ کر کو ژبۆی چ ئەڤ کەسێن نڤێژکەر ناچن بەرگریێ ل کوردستانێ بکەن ، ئەز دپرسم ئەرێ گەلۆ ما ئەو کیبوونە یێ چەندین ساڵە خەبات و تێکۆشانێ بۆ کوردستانێ دکەن؟

ما بەهرا پتر ژوان مەلا و قازی و شێخ و پیرنەبوونە؟

کێ بۆ ماوێ نزیکی چارساڵان دژی گروپەکا تیرۆرستی شەڕکر و تێکشکاندن ما ئەو نە هەر ئەڤ نڤێژکەر و ڕۆژیگرێت شەقاما سەهۆلەکەبووین ل سلێمانیێ؟ یان ژی ئەو سەماکەربوون کو وەکی مشەخۆران لسەر مللەتێ مەدژین و ب هزاران دۆلار ل شەڤەکا سۆرا وان تێنە مەزاختن.

تو دبێژی ئازادی گرنگترە ژ موچەیەکی!

کیژان ئازادی ؟ ئەو ئازادیا هەرکەسەک لڤێ بادینانێ دەعوا حەقێ خۆ بکەت دێ هێتە گرتن و ب دەهان ڕێگری و تۆمەت دێ بۆ هێنە دروستکرن و مە هەمیان ژی و هەمی دونیایێ ژی ئەڤ چەندە ب چاڤێن خۆ دیت.

لەو ل دوماهیێ  دبێژم گەلێ مە هاتە دەربەدەرکرن ، ئەنفالکرن و بێ موچەکرن، گەنجێن مە هەمی کەفتنە بەر رحما دەریایێ  ئیجە و قاچاخچیێن سنورێ دەولەتا ، هەوە خەلک ل زۆربەیا وان نیعمەتێن ڤی وەلاتیکر، بلا بەسبیت لێبگەرێن بلا ئازادییا خۆیا ئاینی ب ئازادی بجهـــ بئینن.

زێدەتر