سۆرانی  |  بادینی  |  English      

بوچی لاهور دهێتە ب ئارمانجگرتن؟

شیمال به‌رچـی

رۆژنامه‌ڤان
  13/07/2021  |    3980 جار خوێندراوەتەوە
ل سالا ٢٠١١ێ مەلابەختیار ئەندامێ مەکتەبا سیاسی یا ی.ن.ک ل هولا کونگرا ل سەروکایەتیا زانکویا دهوک کورەک پێشکێش کر ژبو هژمارەکا کادروئەندامێن پارتێن سیاسی کو ئەز ژی تێدا بەشدارببوم وی تشتەک گوت نھا ئاماژەیێن وێ دیاربون.
گوت هەرێما کوردستانێ بتنێ دێ دوو پارت دەستهەلاتداربن ئەوژی پارتی وئێکەتی کو بدیتنا وی باشترین چارەسەری ئەوە ئەڤ دوو پارتە رکابەریێ بکەن وەکی کوماری ودیموکراتێن ئەمریکا هەر چەند سالان ئێک ژوان دەستھەلاتداربیت.
ل ڤێرێ وبتایبەت پشتی کونگرێ ٤ێ یێ ئێکەتیێ ئوپوزسیونا هەرێمێ کو پشکا شێری ل سلێمانیێ بو بەرەف لاوازیێ ڤەچو ودشێین بێژین نەمایە وغرور و سیستەمێ تاک حزب وتاک کەسی زێدتر دھێتە چەسپاندن
هەرێما کوردستانێ ژ دەستهەلاتا دوو پارتان یێ بەرەف دەستھەلاتا رەھا یا دوو مالباتان ڤە دچیت.
ناکوکیێن ئێکەتیێ کی مفادارە؟
هەلبەت ئەڤان ناکوکیان رەهەندێن خو یێن کەڤن وڤەشارتی هەنە وئەو نینە یا کو دمیدیایێ دا دهێتە گوتن، سیستەمێ هەفسەروکایەتی نە سیستەمەکێ گرنک بو بەلکو ژ نەجاریێ بو.
مفادارێ سەرەکیێ ڤان ناکوکیان پارتی دیموکراتی کوردستانە وزەرەمەندێن سەرەکی ژی ئێکەتی وخەلکێ سلێمانیێ یە کو دبنە قوربانیێ شەرەکێ کو چ گونەهان وان تێدا نین! 
بوچی لاهور دهێتە ب ئارمانجگرتن؟
خیتابا لاهوری ل زونا کەسک ودناڤ ئێکەتیێ دا خیتابەکا جیاواز وتا رادەیەکی توندە هەمبەر پارتی وژلایێ جەماوەری ڤە ژی پێگەهەکێ باشتر ژیێن دی ھەیە.
ئەو هەلویستێن لاهوری ل هەمبەر پشتەڤانیکرنا شورەشا روژئاڤا ول ڤێ داویێ هەمبەر دژایەتیا شەرێ دژی پەکەکێ تورکیا زور تورەکر وچەندین داخویانیێن سەروک کومار و وەزیرێ بەرگریا تورکیادا ئاماژە ب پشتەڤانیا یەنەکێ دکر ژبو شورەشا باکور وقەندیل ودھاتە چاڤەرێکرن کو تورکیا دەست تێوەردانەکێ ل ڤی باژێری دا بکەت، ئەڤجا ب هەر رێکا ھەبیت ودیماهیک جار شیا ب رێکا ئاریشێن ناڤخویی ڤێ دەست تێوەردانێ بکەت!
لاهور چ بکەت؟
ئەو خودان پێگەھەکێ باش یێ جەماوەری وسیاسی یە و دشێت ھەردەم خوەدی رول بیت ئەڤجا د ناڤا ئێکەتیێ دا بمینیت وبەرگریێ ل شیان وپێگەھێ خوبکەت کو بدیتنا من بو وی زور یا ب زحمەتە.
پارتەکا ئوپوزسیونی دامەزرینیت ب پشتەڤانیا گوران وکەسێن نەرازی و روشنبیر ونڤیسکار وکەسانێن وەلات پارێز کو بدیتنا مندبیت ئەڤە سەرکەفتی تربیت وسلێمانی ژی دسروشتێ خودا باژێرەکێ پر بزاڤە وبێ ئوپوزسیون نامینیت وب پێتڤیەکا خو دزانن.
ھەرێم ژی بێ ئوپوزسیونەکا کارا دێ بەرەڤ لاوازتربونێ ڤە چیت، پروسێسا دیموکراسی وئازادیا رادەربرینێ ژی دێ ھێشتا ھێتە سنوردارکرن ودێ بەرەف نیمجە دکتاتوریەتێ ڤە چیت.
زێدەتر