سۆرانی  |  بادینی  |  English      

ئەز دیدەڤانێ شێروان شێروانیمە؟

خەتاب عومەر

پارێزەر و رۆژنامەڤان
  08/05/2021  |    326 جار خوێندراوەتەوە

ل 29ئەیلولا سالا 2016 ل سەر داخوزا کونسلێ کومارا ئەلمانیا د رونشتنەکێ دا مە بەحسل رەوشا ئازادیا رادەربرینێ و روژنامەڤانی کر، د چارچوڤێ کارێ دبلوماسیێ واندا و گرێدایی ب پیشەیا مەیا روژامەڤانیدا .

پارە وەرگرتن هەچیێ دوو دندکێن عەقلی سەریدا هەبن دزانیت کونسلگەریێن وەلاتان رێکخراوێن خێرخوازی نینن و دەرڤەیی ئەتەکێتێن دبلوماسی و کارێ وانە و خالا هەری گرنگتر ژی ئەوە ئەم نە خازوکێن بەردەستێ چ کەس و حزب و دەستهەلاتا بوین و پەروەردا مە رێک نەدایە مە سەری بۆ کەسێ بچەمینن نەک پارەی وەرگرین بەلکۆ بەحسکرن ل وەررتنا پارەیی ژی لایێ من ئەو پەری بێ رەوشتی یە بێ کەرامەتی و بێ ئەدەبی یە .

خالا گرنگ ئەوە جڤاک بزانیت نشتیمان و ئاسایشا نشتیمانی هەر خەما هەژار و خودان وژدانان بویە ژبەرکۆ بەرپرسێن دز و دەستهەلاتدارێن ترسنوک جهێ پارە لێ ئەو نشتیمانێ وانە و ئەڤ وەلات ژی هەتا پارە هەین وەلاتێ وان بویە و بەری هینگێ و پشتی هینگێ ژی نە خوشیا خوە نە رحا خوە ئامادە نەبوینە نشتیمانی ب یێ خوە بزانن ، بەلگە ژی رەگەزنامە و بروانامە و چارەسەریێن نەخوشی و خوشیا ژیانا وان و خێزانێن وانە دیارن ل کیڤەنە و نشتیمانی چ گرنگیا خو ە بو وان هەبویە و هەیە .

گرتنا روژنامەڤان و چالاکڤانان و پێڤە هێلانا هەر روژە و توهمەتەکێ چ جار رویێ راستەقینە یێ دەستهەلاتداران ناڤەشێریت ، ل دادگەها لێکولینێ توهمەتەک و ل تاوانا توهمەتەکا دی و ل پێداچونێ توهمەتەکا دی و بێ ئامادەبونا بریکاردەرا و بەلگەێن پشت راستکری ئەڤە ب خوە سێدارەدانا دەستهەلاتا دادوەری یە پشتی کو پەرلەمان و دەستهەلاتا جێبەجێکرنێ هاتینە کونترولکرن .

ب سیخوریکرن  و ئاماژەێن ب ڤی رەنگی بو وەلاتێن زلهێز و کونسلێن وان وەلاتان ئێک ژ خالێن دی یە کو دەستهەلاتا هەرێمێ وەسا ددەتە دیارکرن کو پێداگیرکرن ل سەر خەلەتیێ ژ خەلەتیێ مەزنترە ، لێ دیارە چارەنڤیسێ ڤی نشتیمانی و کەرامەتا تاکێ وێ بو دەستهەلاتداران ئەو پەری بێ خەمی یە .

وەلات دەما کو دادوەر و دادی دهێنە حزبیکرن و رەنگەکێ ژ رەنگا بچویککرن ئێدی ژدەرڤەی کوشتنا هیڤیێن جڤاکێ کۆ ئەو دەستهەلاتدار تا هەنە سیستەم و رێڤەبرنا ساخلەم نزانن و بو وان خەم نینە زێدەتر هزرکرنا ب ڤی رەنگی بو بازرگانێن بێ پاشەروژ دهێتە ناسکرن .

ل گورەی بریارا دادگەها پێداچونکری بکارئینان ناڤێن کونسلگەریا ئەلمانیا و ئەمریکا بریارەکا بنبرە یان دڤێت ئەڤ دوو وەلاتە کونسلگەریێن وان بهێنە دەرکرن ژ لایێ وێ حکومەتا ڤێ بریارێ پەسەند دکەت یان ژی دڤێت ئێدی ل ژێر ناڤێ دیپلوماسی و پەیوەندیان حکومەتا رێکێ نەدەت کونسلگەری چ کاران بکەن کو هەمی کاران ژی حکومەت ئاگادارە ؟ ئەگەر راستە وەسایە ئێدی نابیت کەس باوەریێ ب کونسلگەریا بینیت ب تایبەت  ئەمریکا و ئەلمانیا کو دادگەها مەیا پێداچونێ ب سیخور و پشتەڤانێ تێکدەرا دزانیت وەکی ئەو دبێژیت .

ئازادی بو ستەملێکریان و دادی بو جڤاکێن هشیار .

تێبینی : وێنە کومەکا روژنامەڤانان بووین د گەل کۆنسلێ کومارا ئەلمانیا ل هوتێلا رێکسوس ل دهوکێ .

زێدەتر