سۆرانی  |  بادینی  |  English      

دادگەهـ یان دێ سەروەریێ بۆ خۆ زڤرینیت یان دێ سەروەریێ ژ هەرێمێ وەرگریت؟

خەتاب عومەر

پارێزەر و رۆژنامەڤان
  21/05/2021  |    590 جار خوێندراوەتەوە

پرسا سزادانا چالاکڤانێن بەهدینان هند پرسەکا بچویک نینە دەستهەلاتدارێن هەرێمێ هزر بکەن ب رێکا ڤان جورە کاران ب ناڤێ یاسایێ دێ ترس و توقاندنێ دناڤا خەلکی دا بەلاڤکەن .

ئوتونومی ب ڤێ هەرێمێ هاتیەدان داکو ب دیموکراسی برێڤەبچیت و ئازادیێن مروڤی تێدا بەرقەرار بن هەر گاڤا ئەڤە نەما ئێدی دێ باجا نەبونێ دەتن .

ئەنجومەنێ دادوەری بخۆ دیارە چ لێکڤەکرنەکا حزبی یا بێ معنا تێدایە و چاوا حزب و بنەمالە دەستکاریێ تێدا دکەن ئەگەر ب وێ گوتنێ بایە کو یاسا دڤێت سەروەر بیت ل وی دەمی زۆرینەیا وە جهێ وان دیارە .

باشترین بژاردە راستڤەکرنا بریارا دادگەها پێداچونێ یە کۆ ڤان چالاکڤانان و هەمی ئەوێن دیێن بێ بنەما دەستەسەرکرین بهێنە ئازادکرن ب چ رەنگەکی لێبورینا سەرۆکێ هەرێمێ نەچارەسەری یە وەکو بەحس دکەن ژبەرکو ئێکەم دێ شین تبلێن ڤان چالاکڤانان وەکو سیخۆر مینن و کۆنسلیێن وەلاتان ژی ب بریارا دادگەهێ سیخۆر دمینن ئەڤەژی مەترسی یە ل سەر داهاتیێ ڤێ هەرێمێ .

ب روونی نوێنەرا نەتەوەێن ئێکگرتی هەرەشەیا سەر قەوارا هەرێمێ دیار کر، دبیت بو خودان رەگەزنامێن بیانی کو زۆرینەیا بازرگانێن ڤێ هەرێمێ خودانن بخێزانڤە ئەڤە بۆ وان گرنگ نەبیت لێ مەرج نینە هەرەشە ل سەر خودێ قەوارێ بیت بەلکو ل سەر دەستهەلاتداریا وانە زێدەتر ئێدی بو وان باشترە لێڤەببن بەری بهێنە لیڤەکرن .

باشترین بژاردە ژی راستڤەکرنا بڕیارا دادگەها پێداچوونێ یە و چ رێکەکا دی ڤێ پێنگاڤا خەلەت ڕاستڤەکرن.



زێدەتر