سۆرانی  |  بادینی  |  English      

مێینە و نێرینە

هەلگورد قهار

نڤیسەر و هەلبەستڤان
  01/04/2021  |    204 جار خوێندراوەتەوە

دەما دبێژین (دونیا مالێ مێرانە، دیکلێ رۆژەکێ بە نەمریشکا سالەکێ) ژبەرهندێ پیڤەرێ جامێری و زانین و عەقلێ مە چ جار ب زانینێ نەبوویە، مە چ جار نەگوتیە فلان کەس یێ بفلان کەسی ڤەچوی چنکویێ زانایە، بەلکو بەروڤاژی مەهەردەم یا گوتی (عەمێ گوزێ یە، کورێ نجیم جادری یە کو بازرگانەکێ عیراقێ یێ مەزن بوو گەلەک پارەهەبون) لێ پرسیار ئەوە مەبڤی عەقلێ نێرینە چ کریە؟.

ئەرێ ما عەقلێ زەلامینیامە وەنەکریە هەتانوکە نەبووینە خودان چ کیان؟ ئەرێ عەقلێ زەلامینیێ چەند جارا خیانەتکریە؟

ئەرێ ئەم وەک عەقلێن نێرینە شیایینە دگەل ئێک روینە خوارێ و گەنگەشەکێ دگەل ئێک بکەین؟ ئەرێ چەند جارا سەرا رێکێ یان ئاڤاجوکێ، یان خەلەت تێگەهشتنەکێ مە مال ل ئێک و دوو خرابکریە؟

خوزی مەب عەقلێ مێینە رەفتار کربا، هوسا هزر کربا دەما گەنجەک دچوو بەروکێن شەرێ برا کوژیێ ب عەقلێ دایکێ و خویشکێ مەسەحکر بایێ، دا پێکول کربا دلێ چ دایکا نەهاتبا شەوتاندن، خوزی ئەم وەکی دایکا د عاتیفی باینە ئەز باوەرم دوو ئیدارەیی نەدما، مرۆڤ و مرۆڤ بوون دابیتە سەنتەر دناڤ کومەلگای دا، زانایەکێ جیهانی دبێژیت، (باژێر ب عەقلێن نێر ئاڤانابن، بۆ ئاڤاکرنا باژێران مەپێتڤی ب عەقلێن مێ هەیە) مەرەم نەئەوە ژن برێڤەبەت مەرەم ژڤێ گوتنێ ئەوە دڤێت لایەنێ عاتیف و دلوڤانیێ پتربیت ژیێ بێوژدانی و بێ رەحمیێ ل دەف زەلامێ سەرکردە یان یێ رێڤەبەر .


زێدەتر