سۆرانی  |  بادینی  |  English      

وێنه‌یێ پێشمه‌رگه‌یێ شه‌ڤا ده‌ربازبووی ل هێرشه‌كا داعشێ شه‌هیدبووی خودانێ چار زارۆكانه‌

  2021-05-12  | 
 تۆڕا نووچەیا ژیان

ل ده‌مژمێر 10ێ شه‌ڤا ده‌ربازبووی چەکدارێن داعشێ هێرش کرە سەر هێزێن پێشمەرگەی ل ده‌ردۆرا هەردوو گوندێن هۆمەربەل و هۆمه‌ر ته‌وفیق بۆ سه‌ر پێشمه‌رگه‌ی ئه‌نجامدایه‌ و ب وێ سه‌ده‌مێ ژی پێشمەرگەیەک شه‌هیدبوو یه‌كێ دی ژی برینداربوو.

نووچه‌گه‌هانێ تۆڕا نووچه‌ییا ژیان ل گه‌رمیان ڕاگه‌هاند، داعشێ ب چه‌كێ قه‌ناس یێ حه‌راری ل ده‌ردۆرا هەردوو گوندێن هۆمەربەل و هۆمه‌ر ته‌وفیق ل نێزییک باژێرۆکێ نەیجول هێرشی سه‌ر پێشمه‌رگه‌ی كریه‌ و ب وێ سه‌ده‌مێ ژی پێشمەرگەیەک بناڤێ موحسین گه‌ره‌وه‌ی كو خه‌لكێ قه‌زا ڕواندزه‌ شه‌هیدبوو یه‌كێ دی ژی برینداربوو.

پێشمه‌رگه‌یێ شه‌هید، خودانێ چار كچانه‌ كو دوو گه‌له‌ك بچیكن و هه‌رزو د تۆرێن جڤاكی دا كارڤه‌دانێن مه‌زن ل په‌ی خۆ ئینان.
May be an image of 3 people, child, people standing and indoor

درەنگیا شەڤا ئێکی ڤێ مەهێ، چەکدارێن داعش لسنورێ پردێ هێرش کرە سەر دوو سەنگەرێن پێشمەرگەی یێن سەربازی و بەرهه‌نگاری ژ ئالیێ هێزێن پێشمەرگەیڤە هاتە کرن، دوێ هێرشێ دا شەهید و بریندار دناڤ هێزێن پێشمەرگەیدا هەبوون.

ئەڤە ددەمەکیدایە، ل بەشەکێ دەڤەرێن عێراقێ ب سەدەما نەبوونا هەماهەنگیێ دناڤبەرا هێزێن ئەمنی و هێزەکا بەرفره‌هـ ل دەڤەرێ، بویە سەدەمێ وێیەکێ چەکدارێن داعش چالاکی و لڤینێن خۆ ل دەڤەرێ زێدە بکەن و وێ ڤالهیێ بکاربینن و هێرشێ بکەنە سەر گوند و باژێرکێن وێ دەڤەرێ، کو د هێرشاندا، ژبلی هێزێن ئەمنی، وەلاتی ژی راستی رەڤاند و برینداربوونێ و کوشتنێ دبن.
Open Photo