سۆرانی  |  بادینی  |  English      

وه‌زاره‌تا پێشمه‌رگه‌: ژبه‌ر ڤالاهیا ئه‌منی دووباره‌ داعشێ خۆ رێكخستیه‌

  2021-05-12  | 
 تۆڕا نووچەیا ژیان
وەزارەتا پێشمەرگه‌یێ ھەرێما کوردستانێ راگەھاندنەک بەلاڤکر و تێدا هاتیه‌، پێشتر هایداری ژ ڤالاھیا ئێمناھیێ د ناڤبەرا سوپایی و پێشمەرگەی دا ھاتینە دان و ته‌كه‌زكر، دووباره‌ داعشێ خۆ رێکخستی یە و ب شێوێ گروپ و مەفرەزە دەرکەفتینە و ب شێوازێن جودا و نوی ھێرشان دکەنه‌ سه‌ر پێشمه‌رگه‌ی.

شڤێدی دەمژمێر یازدەیی شەڤێ چەکدارێن داعشێ ھێرشی سەنگەرێن لیوایا 116 یا ھێزێن پێشمەرگەی ل سنۆرێ قەزایا کفری کریە و د ئەنجامدا پێشمەرگەیه‌ك بناڤێ محسن حسێن گەرەوەیی شەھید بوویە و ھێرشا وان ھاتیە شکاندن .

د راگەھاندنەکێ دا کو دانەیەک ، وەزارەتا پێشمەرگەی ئاشکراکر، د دەما بووری دا چەندین جاران ھۆشداری ژ ھەبوونا ڤالاھیا ئێماھیێ د ناڤبەرا سەنگەرێن ھێزێن پێشمەرگێ کوردستانێ و سوپایێ ئیراقێ دا ھاتبوونە دان و تیرۆرسێن داعشێ شیاینە خۆ رێکبێخن و نوکە ب شێوەیێ گرۆپ و مەفرەزەیێن جودا جودا دەرکەفتینە، دوپاتکریە بۆ سەلماندنا ڤێ راستیێ ژی دەم بۆ دەمی کریارێن درندانە دکەن.

به‌حسا وێیه‌كێ ژی كریه‌، بزاڤ و لڤینێن تیرۆرستان جارەکا دی زێدە بووینە و هه‌یا نها شێوازێ شەڕ و ھێرشێن خۆ گوھۆڕیە.

د راگەھاندنا خۆ دا وەزارەتا پێشمەرگەی ته‌كه‌زكریه‌، بۆ رێگریکرن ل ڤان روودانان و تێکشکاندنا تەمامیا تیرۆرستان پێدڤی ب رێککەڤتنەکا گشتگیر و ب هه‌ڤڕایی دگەل سوپایێ عێراقێ دا ھەیە.

ھەروەسا وەزارەتا پێشمەرگەی دیارکریە، ھێزێن پێشمەرگەی ل ئاستێ وان کریاران بێ دەنگ نابن و ددەما خۆ دا دێ بەرسڤەکا توند ھەبیت، ھەروەسا ئاشکراکریە دێ خەلکێ کوردستانێ و ئاسایش و ئارامی یا پاراستی بیت و پێشمەرگە ژی ب جھێ باوەریا ھەمی ئالیان ناڤکر.