سۆرانی  |  بادینی  |  English      

سه‌رۆكێ هه‌رێمێ ده‌رباره‌ی شه‌ڕێ شه‌ڤا ده‌ربازبووی په‌یامه‌ك به‌لاڤكر

  2021-05-12  | 
 تۆڕا نووچەیا ژیان
نێچیرڤان بارزانی سەرۆکێ هەرێما کوردستانێ د پەیامەکێدا دەربارەی هێرشا شەڤا دەربازبووی یا داعش بۆ سەر هێزێن پێشمەرگەیێ کوردستانێ ڕاگەهاند "تەكه‌ز ژ پێتڤیا بلەزکرن ل هەڤبەندیا دناڤبەرا پێشمەرگە و سوپایێ عێراقێ ل وان ناڤچەیان دکەم".

ئەڤرۆ چارشەمبێ، نێچیرڤان بارزانی سەرۆکێ هەرێما کوردستانێ دەربارەی هێرشا شەڤا دەربازبووی داعش ل تویتەکێدا ئاماژە ب وێ یەکێ دا، "ب توندی هێرشا شەڤا دەربازبووی یا تیرۆرستێن داعش ل سنورێ کفری بۆ سه‌ر هێزێن پێشمه‌رگه‌ی شه‌رمزار دکەم".

ئاماژه‌ ب وێیه‌كێ ژی كریه‌ "ته‌كه‌ز ل پێتڤیا بلەزکرن ل هەڤبەندیا دناڤبەرا پێشمەرگە و سوپایێ عێراقێ ل وان ناڤچەیان دکەم".

شەڤا دەربازبووی، گروپێ چەکداریێ داعش هێرشکرە سەر هێزێن پێشمەرگە ل هەردوو گوندێن بەلەگە و هۆمەربەل ل نێزیک باژێرکێ نەیجول و  ب وێ سه‌ده‌مێ ژی پێشمەرگەیه‌كی بناڤێ موحسین حسێن گه‌ره‌وه‌ی كو بابێ چار كچان بوو شه‌هید بوو و یه‌كێ دی ژی برینداربوو.