سۆرانی  |  بادینی  |  English      

بەنکا ناڤەندیا عێراقێ ڕاگەهاندنەک لسەر بهایێ دۆلاری بەلاڤکر

  2021-06-12  | 
 تۆڕا نووچەیا ژیان
بەنکا ناڤەندیا عێراقێ ڕاگەهاند، بهایێ دۆلاری یێ بنەجهە و چ بڕیار و نیەتەک نینە بۆ گۆهڕین د بهایێ وی دا.

بەنکا ناڤەندیا عێراقێ د ڕاگەهاندنەک دا دیارکر، ئەو دەنگۆ و زانیاریێن کو دهێنە بەلاڤکرن دەربارەی گۆهڕینێن د بهایێ دۆلاری دا چ بنەمایەک نینە.

دیارکر ژی، ئەو بهایێ کو ل داوییا سالا ٢٠٢٠ێ بڕیار لسەر هاتیەدان بۆ گۆهڕینا دۆلاری، پشت ب ڤەکۆلین و لێکدانەکا کوویر یا پێدڤیێن ئابوری و دارایی و ئارمانجا سیاسەتا نەختینەییا عێراقێ گرێدایە.

هەروەسا گوت، فرۆتنا دراڤێن بیانی پشتگرێدایە ب بنەجهیا بڕێ یەدەگێ بیانی ب بڕەکێ گەلەک باش، ب وێ سەدەمێ ژی بڕێ فرۆتنا دراڤێن بیانی زێدەبوویە، ژبۆ کو تەڤاهیا پێدڤیێن مەشروع لخۆ بگریت.

دایەزانین ژی، کو ڤان نێزیکان دێ بهایێ دۆلاری بنەجهـ بیت، ئەو ژی ژبەر گرتنەبەرا وان ڕێکارێن ڤێ داویێ یە ژ ئالیێ بەنکا ناڤەندیڤە و دێ بەردەوام بیت لسەر.

ئەڤە ژی پشتی وێ یەکێ دهێت، د چەند ڕۆژێن دەربازبوویی دا دەنگۆیەک بەلاڤبوو کو دێ بهایێ دۆلاری زێدەتر بلندبیت و دگەل ڤێ ژی بهایێ ١٠٠ دۆلاران چوو سەردایی ١٥٠ هزار دیناران.