سۆرانی  |  بادینی  |  English      

ئاكرێ.. ژبه‌ر گرانبوونا بهایێ بەنزینێ به‌شه‌ك ژ شوفێرێن تەکسیان خڕڤەبوون

  2021-06-12  | 
 تۆڕا نووچەیا ژیان
بسەدەما بلندبوونا بهایێ بەنزینێ ل قەزا ئاکرێ شوفێرێن تەکسیان خڕڤەبوونەکا نەرازیبوونێ ئەنجامدان و بۆ ده‌مه‌كێ جاددە داخستن.

نووچه‌گه‌هانێ تۆڕا نووچه‌ییا ژیان ل ئاكرێ ڕاگه‌هاند، ئەڤرۆ شه‌مبیێ دەمژمێر نێزیك 12ێ بەریا نیڤرۆ شوفێرێن تەکسیا ل قەزا ئاکرێ دژی بلندبوونا بهایێ بەنزینێ خڕڤەبوونەکا نەرازیبوونێ ل سەر جاددا سەرێ مجەمعێ ل ترافیکا ئازادی ئەنجامدان و بۆ دەمەکی جاددە داخستن.

لسەر بریارێن ب ڤی ئاوی شوفێرێن تەکسیا ل ئاکرێ زەرەرمەندێن ئێکێ نە، ژبەرکو ڤەگوهاستنا نەفەران دناڤا باژاری دا بتنێ هزار دینارن و بڤێ ژی زیانێن مەزن بەر ب وان دکەڤن.

ئاماژە ب وێیەکێ ژی کر، ئەوان دخواست درێژیێ ب خڕڤەبوونێ بدەن لێ هێزێن ئەولەهیێ گەهشتنە وی جهی و خڕڤەبووی بەلاڤکرنە و داوی پێ ئینانە.

دنهادا بهایێ ئێک لیترا بەنزینا نورمال ل قەزا ئاکرێ ب 725 دینارێن عێراقێ بازار پێ دهێتەکرن.

ئەڤە د دەمەکی دایە، ل حەفتیا دەربازبووی ل باژارێ سلێمانیێ ژی شوفێرێن تەکسیا لهەمبەر گرانبوونا بهایێ بەنزینێ خڕڤەبوونەکا نەرازیبوونێ ئەنجامدان.