سۆرانی  |  بادینی  |  English      

كه‌جه‌كێ ڕاگه‌هاندنه‌ك لسه‌ر شه‌ڕێ ناڤخۆ به‌لاڤكر

  2021-06-12  | 
 تۆڕا نووچەیا ژیان
كه‌جه‌كێ ڕاگه‌هاند، وان نه‌ڤێت چ شه‌ران دگه‌ل چ هێزێن كوردی بكه‌ن و دبێژن، "پێتڤیه‌ هه‌می رۆلێ خۆ ببینن هه‌یا كو پارتی شه‌رێ كورد و كورد نه‌كه‌ت".

دڕاگه‌هاندنه‌كا كۆما جڤاكێن كوردستانێ (كه‌جه‌كه‌)دا هاتیه‌، ئه‌و شه‌ڕێ نها ل ده‌ڤه‌را مه‌تینا، ئاڤاشین و زاپ دناڤبه‌را گه‌ریلا و ئاڕتێشا توركیا دا شه‌ڕه‌كێ گرانه‌، ده‌رباره‌ی ڤێ یه‌كێ ژی دناڤبه‌را هێزێن سه‌ربازیێن پارتی دیموكراتی كوردستان و گه‌ریلایێن په‌كه‌كێ دا ئالوزی هه‌نه‌، كو "ئه‌گه‌رهه‌نه‌ ببیته‌ شه‌ڕ".

دبه‌شه‌كێ دیێ ڕاگه‌هاندنا كه‌جه‌كێ دا هاتیه‌، كو د وێ باوه‌رێدانه‌ هونه‌رمه‌ندێن كورد رۆلێ خۆیێ مێژووی بگێرن و ئاماژه‌ ب وێیه‌كێ كریه‌، "گه‌ل و هێزێن سیاسی یێن كوردی به‌رپرسیاره‌تیا خۆ جێبه‌جێبكه‌ن و رێكێ ل سه‌رهلدانا شه‌ری بگرن".

به‌ریا نها ژی، مه‌سعود بارزانی سه‌رۆكێ پارتی دیموكراتی كوردستان، پشتی شه‌هیدبوونا چه‌ند پێشمه‌رگه‌یان ل چیایێ مه‌تینا ل قه‌زا ئامێدیێ دڕاگه‌هاندنه‌كێ دا ته‌كه‌ز ل وێیه‌كێ كربوو، "بكه‌رێن وێ بوویه‌رێ دێ ب توندی گه‌هنه‌ سزایێ خۆ".

هه‌ڤده‌م، موراد قه‌ره‌یلان ئه‌ندامێ رێڤه‌به‌ریا پارتا كرێكارێن كوردستانێ (په‌كه‌كه) دڕاگه‌هاندنه‌كێ دا ئاماژه‌ ب وێیه‌كێ كربوو، هێزێن سه‌ربازیێن پارتی دیموكراتی كودستان دڤێت ل گه‌له‌له‌ك جهان گه‌ریلایان په‌لامار بده‌ن و ره‌وش هاتیه‌ ئاسته‌كێ كو شه‌ڕ رووبده‌ت.

رۆژا 5ی ڤێ مه‌هێ، لگۆره‌ی ڕاگه‌هاندنا وه‌زاره‌تا پێشمه‌رگه‌ی هێزه‌كا پارتی كرێكارێن كوردستانێ (په‌كه‌كه‌) هێرش كریه‌ سه‌ر هێزه‌كا پێشمه‌رگه‌ی و ب وێ سه‌ده‌مێ ژی پێنج پێشمه‌رگه‌ شه‌هیدبوون و حه‌فتێن دی ژی برینداربوون.