سۆرانی  |  بادینی  |  English      

حكومه‌تا هه‌رێمێ ئاماده‌یا دهه‌وارچوونا بریندارێن بوویه‌را نه‌خوشخانه‌یا زیقار نیشاندا

  2021-07-13  | 
 تۆڕا نووچەیا ژیان
سه‌رۆكێ حكومه‌تا هه‌رێمێ ڕاگه‌هاند، دلگرانبووین ب دیتنا دیمه‌نێن بوویه‌را ئاگربه‌ربوونێ ل پارێزگه‌ها زیقار و هه‌ڤخه‌مین دگه‌ل كه‌سوكارێن قوربانیان و هه‌می وه‌لاتی، دبێژیت ژی، "من وه‌زیرێ ساخله‌میێ ڕاسپاردیه‌ كو هه‌می هه‌ڤكاری و خزمه‌تگوزاریان بۆ بریندارێن بوویه‌رێ بشینیت".

دوێ ده‌ربارێ ژی دا، ل پێگه‌هێ خۆیێ فه‌رمی ل فه‌یسبووكی سامان به‌رزه‌نجی وه‌زیرێ ساخله‌میا هه‌رێمێ ڕاگه‌هاند، بۆ هاریكاریكرن و دهه‌وارچوونا بوویه‌را شه‌وتینا نه‌خوشخانا (حسێن) ل باژارێ زیقار و شه‌وتین و ژیان ژ ده‌ستدانا هه‌ژماره‌كا زۆرا نه‌خۆش و وه‌لاتیان، په‌یوه‌ندی دگه‌ل وه‌زیرێ ساخله‌میا عیراقێ و پارێزگارێ زیقار و رێڤه‌به‌رێ گشتیێ ساخله‌میا زیقار ئه‌نجامدایه‌.

سامان به‌رزه‌نجی ئاماژه‌ ب وێیه‌كێ ژی كر، ل كه‌ڤانێ په‌یوه‌ندیه‌كا ته‌له‌فوونی دا، ئاماده‌یا حكومه‌تا هه‌رێمێ دیاركر بۆ شاندنا هه‌ر پێتڤیه‌كا نوژداری و پێشوازیكرن ل برینداران و نه‌خوشان بۆ نه‌خۆشخانه‌یێن هه‌رێمێ و هاریكاریكرنا وان.

شه‌ڤا ده‌ربازبووی ئاگر به‌ربوو نه‌خوشخانه‌یا (ئه‌لحسێن) یا تایبه‌ت ب چاره‌سه‌ركرنا توشبوویێن كۆرۆنایێ ل پارێزگه‌ها زیقار، ب وێ سه‌ده‌مێ ژی هه‌ژمارا مرن و برینداربوونێ به‌رده‌وام بلندبیت و ئه‌ڤرۆ ژمارا مریان گه‌هشته‌ 70 كه‌سان.

لسه‌ر بوویه‌رێ حكومه‌تا عیراقێ هه‌رئێك ژ حسێن ته‌میمی وه‌زیرێ ساخله‌میێ و چه‌ند به‌رپرسێن دی یێن كه‌رتێ ساخله‌میێ ژ پوستێ وان لادان.