سۆرانی  |  بادینی  |  English      

ب توهمەتا خیانه‌تا مه‌زن سعودیێ 3 سه‌ربازێن خۆ بدارڤه‌كرن

  2021-04-10  | 
 تۆڕا نووچەیا ژیان
وەزاره‌تا به‌رەڤانیا سعودیێ ئاشكراكر، ب توهمەتا (خیانه تا مه زن) سێ سەربازێن خۆ بدارڤه‌كرن.

ئاژانسا نووچەیا سعودیی یا (واس) به‌لاڤكریه، ئه‌و سێ سه‌ربازه پله‌یێن وان ئاسایی بووینه و تاوانا خیانەتا مەزن داینه‌پال وان.

وەزارەتا به‌رەڤانیا سعودیێ دبه‌یاناما خۆ دا ب چ ڕه نگه كی ئاماژه ب هیركارییا تاوانا ئەوان سێ سەربازێن وەلاتێ خۆ نەكرییه، تنێ ئاماژه بهندێ دایه كو د ڤەکۆلینان دا دیار بوویه كو تاوانا خیانەتا مەزن ب هاریكاری یا دۆژمنێن وان ئەنجامدانه.

دسالا 2016ێ دا ژى دادگه‌ها سعودیێ سزایێ سیدارەدانێ ب توهمەتا سیخۆریكرنێ بۆ ئیرانێ  بسه‌ر 15 وەلاتیاندا سه‌پاندبوو، دهه‌مان دۆسه‌یێ دا سزایێ 6 مەهان تا 25 سالێن زیندانكرنێ بسه‌ر15 كەسێن دی ژی ده‌ركربوو.