سۆرانی  |  بادینی  |  English      

ژمارا کوشتیێن خۆنیشاندانا میانمار بۆ زێدەتر ژ 700 کەسان بلندبوو

  2021-04-11  | 
 تۆڕا نووچەیا ژیان
ژمارا وان کەسێن د دەما دەستوەردانا هێزێن ئەمنی دا ل خۆنیشاندانێن دژی کودەتایا سەربازی و دەستەسەرکرنا ئەندامێن حکومەتا هەلبژارتی ل میانمار کوشتنە، بۆ زێدەتری 700 کەسا زێدەبوویە.

د ڕاپۆرتا رۆژانەیا رێکخراوا هەڤکاریا دەسبسەرکریێن سیاسی دا، ئاماژە ب وێیەکێ کر کو ل وان دەڤەرێن هێزێن ئەمنی دا چەک دژی هێزێن مەدەنی بکارهاتیە، کوشتیێن نوی تومارکرنە.

د ڕاپۆرتێ دا بەحسا وێیەکێ کریە، کو ژمارا وان کەسێن د خۆنیشاندانێ دا هاتینە کوشتن، بلندبوویە بۆ 701 کەسان و سێ هزار و 12 کەس ژی هاتنە دەستەسەرکرن.

هەروەسا بەحسا وێیەکێ ژی کریە، کو فەرمانا دەستەسەرکرنێ بۆ 656 کەسێن دی ژی هاتیە دەرخستن.

دوهی شەمبیێ 10ی 4ی 2021ێ د دەما دەست وەردانا سوپایێ میانمار د خۆنیشاندانێ دا، ئالیێ کێم 82 کەس هاتنە کوشتن.

پشتی کودەتاییا سەربازیا میانمار ل 1ی سباتا دەربازبووی و لسەر کار راکرنا ئانگ سان سوچی سەرۆکێ بەریێ میانمار، زێدەتری سێ هزار خۆنیشاندەر و چالاکڤانێن سڤیل ل وی وەلاتی هاتنە دەستەسەرکرن و سزایێن جوراوجور بسەرواندا سەپاندن.

ئەو ژی ددەمەکی دایە، رەوشەکا مەترسیدار و خویناوی ل میانمار دروستکر و سوپایێ وی وەلاتی پتریا بەرپرسێن بلندێن حکومەتا بەرێ دەستەسەرکرنە.