سۆرانی  |  بادینی  |  English      

عەلی قەرەداغی داخازا ئازادکرنا دەستەسەرکریێن نێرینا ئازاد دکەت

  2021-04-13  | 
 تۆڕا نووچەیا ژیان
ئەمیندارێ گشتیێ یەکێتیا جیهانیا زانایێن موسلمان داخاز ژ حکومەتێن ولاتێن ئیسلامی کر، ب هەلکەفتا هاتنا مەها رەمەزانێ زانایان و وان کەسان ئازاد بکەن، کو لسەر هەلویست و نێرینا ئازاد هاتنە دەستەسەرکرن.

عەلی قەرەداغی ئەمیندارێ گشتیێ یەکێتیا جیهانیا زانایێن موسلمان د بەیاننامەیەکێ دا لسەر پێگەهێ یەکێتیێ ڕاگەهاندیە، "بۆ ئومەیا ئیسلامی ب حکومەت و گەل و زانایان و میدیاکار و بیرمەند و سیاسی و حزب و گروپان ڤە، ب وێ چەندێ کو ئەڤرۆ یەکەم رۆژا مەها رەمەزانێیە، ڕۆژا ئاشتبوونا گشتییە د ناڤبەرا پێکهاتەیێن ئومەیا ئیسلامی و رۆژا دەستپێشخەریێیە بۆ خزمەتکرنا لاوازان".

عەلی قەرەداغی داخاز ژ حکومەتان کریە، زانایێن زیندانیکری و ئەو کەسێن لسەر هزر و نێرینا خۆ هاتنە دەستەسەرکرن، ب هەلکەفتا مەها رەمەزانێ ئازاد بکەن، بێ کو ناڤێ چ حکومەتەکێ بینیت.

ل داویێ ژی دایەزانین، ئەڤ گازی و دەستپێشخەریا د ڤێ مەهێ دا، ژبەر وێ فەرزێیە کو خودێ د ڤێ مەهێ دا واجبکریە لسەر ئومەیا ئیسلامی، کو پێدڤی ب ئاشتی و ئاشتەوایا چاکسازیێ هەڤکاریا هەڤدوو بکەن و هەڤدوو تەمام بکەن، ب مەرەما دوورخستنا فیتنەیێ و ئالۆزی و ناکۆکی و شەڕی، کو نەتەوەیێ ئیسلامی پارچە پارچە کریە.