سۆرانی  |  بادینی  |  English      

سەرۆکێ ئێکەتیا جیهانى یا زانایێن موسولمانان تووشى کۆرۆنایێ بوویە

  2021-04-17  | 
 تۆڕا نووچەیا ژیان
ڕووپەلا فەرمیا سەرۆکێ ئێکەتیا جیهانى یا زانایێن موسلمانان ڕاگەهاندیە، کو یوسف قەرزاوى سەرۆکێ ئێکەتیێ توشى ڤایرۆسێ کۆرۆنایێ بوویە.

د تویتەکیدا ڕووپەلا فەرمیا سەرۆکێ ئێکەتیا جیهانى یا زانایێن موسلمانان بەلاڤکریە، کو قەرزاوى توشى ڤایرۆسێ کۆرۆنایێ بوویە و دنهادا لژێر چاڤدێریا نوژداریدایە و چارەسەریێ وەردگریت.

ئاماژە ب وێیەکێ ژى کریە، ڕەوشا ساخلەمیا وى یا باشە، داخاز ژى دکەت دعایێن خێرێ بۆ بهێنە کرن.

یوسف قەرزاوی ل ساڵا ١٩٢٦ ل پارێزگەها غەربییە ل مسرێ ژدایك بوویە، ئەو گوندنێ ئەولێ ژدایک بووى، داوى هەڤالێ پێغەمبەر (د.خ) بناڤێ عەبدوڵڵا بن حارس ئەلزوبەیدی لێ هاتەیە ڤەشارتن .

 یوسف قەرزاوی ئێکە ژ زانایێن مسرێ یە و خودانێ دوو زارۆکانە، هەڤدەم خودانێ خەلاتێ دوبەى یێ نیڤدەولەتیە بۆ قورئانێ.