سۆرانی  |  بادینی  |  English      

پارێزەرێ دوسەیا دەستەسەرکریێن بادینان: 9 دەستەسەرکریێن دی یێن بادینان بۆ دادگەهکرنێ هاتنە ئامادەکرن

  2021-04-19  | 
 تۆڕا نووچەیا ژیان
بەژدار حەسەن پارێزەرێ دەستەسەرکریێن بادینان ڕاگەهاند، ئەڤرۆ ل رێڤەبەریا ئاسایش و دادگەها ڤەکولینا ئاسایشێ، دوسێ یا کومەکا دێ یا چالاکڤان و رۆژنامەڤانان بۆ دادگەها دوو تاوانێن دوو هەولێرهاتە ڤەگوهاستن.

پارێزەرێ دەستەسەرکریێن بادینان ئاماژە ب وێیەکێ ژی کر، د ڤان دوو دوسەیان ژی دا ب هەمان تومەت و هەمان یاسا بەریا نها ژی کو 5 ژ رۆژنامەڤان و چالاکڤانێن دی یێن بادینان پێ هاتبوونە دادگەهی کرن.

زەلالژیکر، هەر ئێک ژ وانا بناڤێ کاسب و کرێکار و تشتێن دی هاتنە تومارکرن، لێ د ڕاستی دا ئەو کەسە چالاکڤان و رۆژنامەڤانن.

تەکەز ل وێیەکێ کریە، د نها دا دوسە ل بەر دەستێ ئەندامێن دەستەیا دادگەها تاوانایە و پاشان دوسە دێ ڤەگەریتە قەلەمێ دادگەهێ، ب مەرەما دیارکرنا دەما رۆژا دادگەهکرنێ.

بەژدار حەسەن ئاشکراژی کر، ئەو 9 کەسە ب هەمان ماددەیێ ئێک ژ یاسایا ژمارە 21 یا سالا 2003ێ و پەرلەمانێ کوردستانێ، کو ناڤەرۆکا یاسایێ بریتیە ژوان کەسێن ڕابووینە ب تێکدانا ئاسایشا نشتیمانیا هەرێما کوردستانێ.

ناڤێن وان بریتینە ژ ( مەسعود عەلی جەبار، شێروان تاها ئەمین، کارگەر عەباس عەلی، بەندەوار ئەیوب رەشید، عامر خالد عەگید، فرسەت ئەحمەد سەعید، جەمال خەلیل مەجید، سلێمان کەمال سلێمان، سلیمان موسا ئەحمەد).

د بەشەکێ دی یێ گوتنێن خۆ دا وی پارێزەری ئاشکراکر، دوو کەس دناڤا واندا هاتنە ترساندن و فێرکرن کو بێژن مە پارێزەر نەڤێن. لێ ئەوان د نها دا بریکارنامە شاندنە د ژۆرڤە بۆ دادگەهێ و هەر رۆژ و ب حێجەتەکێ بریکارنامەیا مە نادەنە مە داکو بەرەڤانیێ ل وان بکەین.

بەژدار حەسەن ئاماژە ب وێیەکێ ژی کر، مافێ وان کەسانە ڤەگەریننە زیندانا چاکسازیا دهۆکێ بۆ وێیەکێ کەسوکارێن خۆ ببینن، لێ هەیا نها ب چەند حەجەتێن جودا ئاسایش وان کەسان ناڤەگوهێزیت، ئاماژە ب وێیەکێ ژی کریە، خەلک هەبوویە داعش بوویە کەسوکارێن وی دشێن ببینن خۆ ئەڤ کەسە نە داعشن ژی هەیا کو رێگری ل دیتنا وان بهێتەگرتن.

ئاشکرا ژی کر، گرتەیێن ڤیدیۆی ب وان هەمی دەستەسەرکریان هاتنە تومارکرن، لێ هەیا نها ناهێت زانین گرتەیێن ڤیدیۆی چنە، هەروەکی ئەوێن بەریا نها کو دەرکەتیە ئەو 5 سزادایێن دی لڤینا دەڤێ وان تشتەکبوو و گوتنێن وان تشتەکێ دی بوو.

زێدەتری حەفت مەهانە هەژمارەکا زێدەیا چالاکڤان و رۆژنامەڤانێن بەهدینان هاتنە دەستەسەرکرن و ل رۆژا 10ی سباتێ مەسرور بارزانی ڕاگەهاند، ئەو کەسە سیخۆربوون و کار بۆ ئالیێن دەرەکی کرنە، ل رۆژا ١٦ی ڤێ مەهێ ژی دادگەها تاوانێن هەولێرێ سزایێ شەش سالێن زیندانکرنێ بسەر هەر یەک ژ شێروان شێروانی و شڤان سەعید و هاریوان عیسا و ئەیاز کەرەم و گوهدار زێباری دا سەپاند.