سۆرانی  |  بادینی  |  English      

پەروەردا گشتیا دهۆکێ: خواندنا ئۆنلاین دێ بەردەوام بیت

  2021-04-19  | 
 تۆڕا نووچەیا ژیان
پەیڤدارێ رێڤەبەریا گشتیا پەروەردا پارێزگەها دهۆکێ ڕاگەهاند، سەدەمێ داخاستنا دەریێ قوتابخانەیان بۆ دووبارە زێدەبوونا توشبوونا ب کۆرۆنایێ و پێگیرنەبوونا وەلاتیان ب رێنمایان ڤەدگەریت. هەڤدەم دبێژیت ژی، خاندن دێ ب ئۆنلاین بەردەوام بیت و پلاتفۆرمەکا باش بۆ وێیەکێ هاتیە بەرهەڤکرن و هەمی وانە ب زاراڤێ سورانی و بادینی تێدانە.

ئەحمد زبێر پەیڤدارێ ڕێڤەبەریا گشتی یا پەروەردا دهۆکێ بۆ تۆڕا نووچەییا ژیان ڕاگەهاند، سەدەمێ داخاستنا دەریێ قوتابخانەیان بۆ دووبارە زێدەبوونا توشبوونا ب کۆرۆنایێ و پێگیرنەبوونا وەلاتیان د بیرەوەریێن ئادار و نەورۆزێدا ڤەدگەریت، گوت ژی، بۆ ڤێ یەکێ حکومەتا هەرێمێ ژ بلی رێکا ئۆنلاین چ رێکێن باشتر نەبوون.

بەحسا وێیەکێ ژی کر، شێوازێ خاندنا ئۆنلاین ڤێ جارێ جیاوازە ل جارێت دی و دڤێت هەمی قوتابی پێگیربن و نە وەکی جارێن دی دبیتە ئەگەرەکێ هاریکاریێ ژبوی وان.

ئاماژە ب وێیەکێ ژی کر، خواند ژبلی رێکا ئونلاین دێ ب رێکا کەنالێن پەروەردەی ل دهۆک و هەولێرێ سلێمانیێ وانەیێن قوتابیان هێنە پەخشرکرن و شلوفەکرن.

پەیڤدارێ پەروەردا گشتی گوت ژی، ئەو سیکتەرێ ژ هەمیان پتر کارتێکرنا کۆرۆنایێ کەتیە سەر سیکتەرێ پەروەردێ بوویە، ژبەرکو هەمی دشێن بەردەوامیێ ب دەنە خاندنا خۆ لێ پەروەدە نەشێت.