سۆرانی  |  بادینی  |  English      

بهایێ نەفتێ بلندبوونەکا زێدەتر بخۆڤە دیت

  2021-04-29  | 
 تۆڕا نووچەیا ژیان
ب هەڤبەرکرن دگەل دوهی ئەڤرۆ بهایێ نەفتێ د بازارێن جیهانێ دا بلندتربوو.

لگۆری داتایێن بۆرسەیێن جیهانی ئەڤڕۆ پێنجشەمبێ، بهایێ هەر بەرمیلەکا نەفتا برێنت د بازارێن جیهانێ دا ب 67 دۆلار 14 سەنتان بازار پێ دهێتەکرن   .

هەڤدەم، بهایێ بەرمیلەکا نه‌فتا خاڤا ئەمریکی ژی د بازارێن جیهانێ دا ب 64 دۆلار و 22 سەنتان بازاڕ پێ دهێتەکرن   .

چەند رۆژان بەریا نها، بهایێ نەفتێ د بازارێن جیهانێ دا ب ڕەنگەکێ بەرچاڤ داکەفت، ب ئاوایەکى بهایێ هەر بەرمیلەکا نەفتا خاڤ یا برێنت بۆ 61 دۆلار و 56 سەنتان داکەفت   .

هەر چەندە ل مەها دەربازبووی بهایێ نەفتێ د بازارێن جیهانێ دا، گەهشتە 70ێ دۆلاران، لێ دیڤدا بەروڤاژى دەست ب داکەفتنێ کر   .

بلندبوونا بهایێ نەفتێ دێ کارتێکرنەکا مەزن لسەر ئابورێ عیراق و هەرێما کوردستانێ هەبیت ژبەرکو بۆ پرانیا داهاتان پشت بەستنێ ب فرۆتنا نەفتێ ددەت  .