سۆرانی  |  بادینی  |  English      

تووشبوون ب کۆرۆنایێ ئاستەکێ پیڤانەى ل وەلاتێ هندستانێ تۆمارکر

  2021-04-30  | 
 تۆڕا نووچەیا ژیان
د دەمێ 24 دەمژمێرێن دەربازبوویدا ل وەلاتێ هندستانێ 3 هزار و 501 کەس ب سەدەما ڤایرۆسێ کۆرۆنایێ ژیانا خۆ ژ دەست دا و تووشبوون ب ڤایرۆسى ئاستەکێ پیڤانەى تۆمار دکەت.

وەزارەتا ساخلەمیا هندستانێ ڕاگەهاندنەک بەلاڤکریە، کو تێدا ئامار بەرەڤ زێدەبوونێ نە و د وى دەمی دا 383 هزار تووشبوویێن نوو تۆمارکرینە و 3 هزار 501 کەسان ب سەەما ڤایرۆسى ژیانا خۆ ژ دەست دایە.

لگۆرى ئاماران، تانها ل هندستانێ 18 ملیۆن و 763 هزار کەس تووشى ڤایرۆسێ کۆرۆنایێ بووینە، ئەڤە ژى ئاستەکێ پیڤانەیە ل تووشبوون ب ڤایرۆسى، هەڤدەم 208 هزار و 330 کەسان ب وێ سەدەمێ ژیانا خۆ ژدەست داینە.
ئەڤە دەمەکیدایە کو هەر ئەڤڕۆ 30ى مەهێ لژنا بلندا بەرهنگاربوونا کۆرۆنایێ یا حکومەتا هەرێما کوردستانێ بڕیارا دا گەشتکرن و ڤەگەریان بۆ وەلاتێ هندستانێ بهێتە قەدەغەکرن.