سۆرانی  |  بادینی  |  English      

سعودیێ فه‌ریزا حه‌جا ئه‌ڤساله‌ یه‌كئالی كر

  2021-05-09  | 
 تۆڕا نووچەیا ژیان
وەزارەتا حەج و عه‌مرا سعودیێ ڕاگەهاند، وان بڕیاردایە ئه‌ڤساله‌ ب جێبەجێکرنا رێنمایێن خۆپاراستنێ ژ ڤایرۆسێ کۆرۆنایێ رێورەسمێن حەجێ ئەنجامبدەن.

هیشام سەعید پەیڤدارێ حەج و عه‌مرا سعودیێ د کۆنفڕانسەکێ رۆژنامەڤانی دا بەحسا وێیەکێ کر، بڕیاردایە  ئەڤسالە گەشتا حەجێ بهێتە ئەنجامدان، لێ پێڤیه‌ سلامەتی و ساخلەمیا وەلاتیان و پشكداربوویان ژی بهێتە ل به‌رچاڤ وەرگرتن.

د وێ دەربارێ دا، محەمەد عەبدلعالی پەیڤدارێ وەزارەتا ساخلەمیا سعودیێ ئاماژە ب وێیەکێ کر، هەرچەندە ڤایرۆسێ کۆرۆنایێ ب ئێک جاری ب داوی نەهاتیە، لێ چاڤدێری و کارکرنا بەردەوام بۆ بەرهەنگاربوونا  کۆرۆنایێ ل وی وەلاتی و ب تایبەتی ژی ل دەما ڕیۆڕەسمێن حەجێ دهێنە گێران.

ل گۆرەی ئامارێن وەزارەتا ساخلەمیا سعودیێ، هەیا نها نێزیکی 10 ملیۆن و 500 هزار ڤاکسین ب سەر وەلاتیان دا هاتنە پارڤەکرن.