سۆرانی  |  بادینی  |  English      

بهایێ پەترۆلێ بلندبوو

  2021-05-10  | 
 تۆڕا نووچەیا ژیان
ئەڤرۆ دووشەمبێ، بهایێ بەرمیلەکا پەترۆلا خاڤا برێنت ل بازارێن جیهانێ ب 68 دۆلار و 70 سەنتایە، بڤێ ژی بهایێ پەترۆلێ بهه‌ڤبه‌ركرن ب دوهی 42 سەنتا بلندبوویە، بهایێ بەرمیلەکا پەترۆلا خاڤا ئەمریکی ژی ب 65 دۆلار و 27 سەنتا بازار پێ دهێته‌كرن.

د دەما دەربازبووی دا، بهایێ پەترۆلێ بۆ سەری 70 دۆلارا بلندبوویە، کو یه‌کەمجاربوو ل پشتی وێ ل سالا دەربازبووی ب سەدەما بەلاڤبوونا ڤایرۆسێ کۆرۆنایێ و ژ کارکەتنا کارگەهێن مەزنێن جیهانێ و راگرتنا لڤینێن ئامێر و ترومبێلان، بهایێ پەترۆلێ بۆ نزمترین ئاست د دیرۆکێ دا داکەت.