سۆرانی  |  بادینی  |  English      

شەش کەس ب تومەتا تیرورێ هاتنە دەستەسەرکرن

  2021-03-09  | 
 تۆڕا نووچەیا ژیان
سوپایێ عیراقێ دەستەسەرکرنا شەش تاوانباران ب تومەتا تیرۆرێ ل بەغدا و هەردوو پارێرزگەهێن ئەنبار و سلێمانیێ ڕاگەهاندن.

سەبارەت دەستەسەرکرناوان لیوا یەحیا رەسول پەیڤدارێ ب ناڤێ فەرماندا گشتى یا هێزێن چەکدار ڕاگەهاندیە، هێزێن دژەتیرۆرێ  تیرۆرستەک ل تاخێ یەرمووک ل بەغدا دەستەسەرکیە و و سێ کەسێن دى ژى ل ئەنبار هاتینە دەستەسەرکرن .

ئاماژە ب وێ چەندێ ژى کریە، ب هەماهنگى دگەل هێزێن ئاسایشێ، دوو تیرۆرستێن دى ل پارێزگەها سلێمانیێ دەستەسەرکرینە .

ناڤبرى ناسناما دەستەسەرکریان ئاشکەرا نەکریە، لێ د راگەهاندنا سەربازیدا دەستەواژەیا  "تیرۆرست" بۆ بکارئینایە .

پشتى هەردوو تەقینێن بەغدا ل مەها کانوونا دوویێ یا بوورى کو ٣٢ کەس هاتبوونە کوشتن و زێدەتر ژ ١١٠ کەسێن دى ژى برینداربوون، هێزێن ئەمنیێن عیراقێ هەمى بزاڤێن خو خستینە گەر بۆ دیڤچوون و دەستەسەرکرنا تیرورستان و چەندین ئۆپەراسیۆنێن مەزن ل دەڤەرێن جودا جودایێن عیراقێ ئەنجامداینە .

ئەڤە ژى دەمەکیدایە شەڤا دەرباس بوویدا ژى تەقینەک ل بەغدا د ناڤ حاویەکا بەرمایکان دا ل نێزیک پرا ئیمە هاتە ڕوودان و کەسەکى گیانێ خو ژ دەست دا و زێدەتر ژ ١٠ کەسێن دى برینداربوون.