سۆرانی  |  بادینی  |  English      

دانپێدان ب زانکۆیا زاخۆ هاتە کرن

  2021-05-10  | 
 مێهڤان مەجید
پشتی چەندین جارا لیژنەیێن تایبەت یێن سەر ب وەزارەتا خواندنا بلندا عێراقێ ب مەرەما دیفچوونێ و دانپێدانێ سەرەدانا زانکۆیا زاخۆ کری، دوھی ب شێوەیەکێ فەرمی دانپێدان ب زانکویێ ھاتە کرن.

پروفیسور دکتور لەزگین عبدی سەروکێ زانکۆیا زاخۆ ب تورا نووچەییا ژیان راگەھاند،"پشتی ب مەرەما دیفچوون و دانپێدانێ ھند لیژنەیێن تایبەت ژ وەزارەتا خواندنا بلندا عێراقێ بو چەند جاران سەرەدانا ناڤا زانکویا زاخۆ کرین و ئاستێ خواندنا تیوری و پراکتیکیا خواندنێ ھەلسەنگاندنین دوھی ب شێوەیەکێ فەرمی ژلایێ وەزارەتێڤە دانپێدان ب زانکویا مە ھاتەکرن.

سەروکێ زانکویێ خویاکر،" ئەف بریار دێ گەلەک مفای ل قوتابی و دەرچوویێن زانکویا زاخۆ کەت ، ب تایبەتی ئەو قوتابیێن خواندنا ماستەر و دکتورایێ ل وەلاتێن عەرەبی و تورکیا دخوینن ، چونکە پێشتر نەدشیان ب فەرمی خواندنا خوە تەمام بکەن و باوەرپێکری نەبوو".

زانکویا زاخۆ ل سالا 2010 ب شێوەیەکی فەرمی ھاتە ڤەکرن و دەست ب وەرگرتنا خوێندکاران کر ،پێکھاتیە ژ 37 پشکێن زانستی، ھەڤدەم ژ حەفت زانکو فاکولتیا پێک دھێت ، د ناڤا 27 بەشاندا قوتابی ب شێوەیەکی زانستی وانەیان وەردگرن، تا نوکە 7هزار و 808  باوەرنامێن بەکالوریوس و 340 باوەرنامێن ماستەر و 73 باوەرنامێن دکتورایێ ژلایێ زانکویێ ڤە ب قوتابیان ھاتینە دان.
No description available.