سۆرانی  |  بادینی  |  English      

وه‌زیرێ دارای ئیمزا لسه‌ر بودجه‌یێ هه‌رێما كوردستانێ كر

  2021-05-11  | 
 تۆڕا نووچەیا ژیان
پشتی هه‌شت سالان، وه‌زیرێ دارای یێ حكومه‌تا هه‌رێما كوردستانێ ئیمزا لسه‌ر بودجه‌یێ هه‌رێما كوردستانێ كر.

وه‌زیرێ دارای یێ هه‌رێمێ ڕاگه‌هاندنه‌ك به‌لاڤكر و تێدا هاتیه‌، پشتی هه‌شت  سال و ل پشتی سالا 2013ێ، ئاوات جه‌ناب نوری وه‌زیرێ دارایی و ئابوریا هه‌رێمێ، ئیمزا لسه‌ر بودجه‌یێ هه‌رێما كوردستانێ كر و بۆ جڤاتا وه‌زیرێن حكومه‌تا هه‌رێما كوردستانێ هاته‌كرن.

ل 21ێ نیسانا ئه‌ڤساله‌دا، جڤاتا وه‌زیرێن هه‌رێما كوردستانێ د جڤینا خۆ دا، هێلا گشتییێن ڕه‌شنڤیسا یه‌كه‌مێ پرۆژه‌ یاسایێ بودجه‌یێ هه‌رێما كوردستانێ بۆ سالا 2021ێ ب ژماره‌ و داتایێن پێدڤی د بیاڤێن(داهات،خه‌رجی،قه‌ر و باپه‌ندێن دارای و كورتئینان) خسته‌ به‌رچاڤ، ب ل به‌رچاڤگرتنا خشته‌یێن ته‌رخانكریێن هه‌رێما كوردستانێ ل یاسایا بودجه‌یێ عێراقێ بۆ سالا 2021ێ كو رۆژا 12ێ نیسانا ئه‌ڤساله‌ ل رۆژنامه‌یا فه‌رمی هاتیه‌ به‌لاڤكرن، هه‌ر د وی ده‌می ژی دا بڕیار هاته‌دان ل نێزیكترین ده‌لیڤه‌دا پرۆژه‌ یاسایێ ڕه‌وانه‌ی په‌رله‌مانی بهێته‌كرن.